Soffi Schønning
Soffi Kaarbø Schønning (fødd 2. oktober 1895 i Kabelvåg, død 9. september 1994) var ein norsk opera- og konsertsongar (koloratursopran).
| Soffi Schønning | |
| Statsborgarskap | Noreg |
| Fødd | 2. oktober 1895 Kabelvåg |
| Død |
9. september 1994 (98 år) |
| Yrke | operasongar |
| Ektefelle | Jonas Schanche Jonasen |
Schønning studerte under Borghild Langaard i Christiania (Oslo), og under Louisa Cappiani i London. Ho gjorde sin profesjonelle operadebut i 1924. I 1928 slutta ho seg til Stockholmsoperaen der ho debuterte som Gilda i Rigoletto under leiing av Armas Järnefelt. Same året debuterte ho ved Royal Opera House i London, der ho også song i 1932-1933. Ho song også fleire gonger ved Glyndebourne Festival Opera. I 1938 debuterte ho på Nationaltheatret i Oslo som Olympia i Hoffmann. I 1940 skapte ho rolla som Ingeborg i verdspremiera av Arne Eggens Olav Liljekrans på Nationaltheatret. Same år song ho Musetta i La Boheme på Det Nye Teater. Ho var spesialisert i reportuaret til koloratursopranen og mellom andre roller ho hadde kan nemnast Konstanze i Die Entführung aus dem Serail, Philine i Mignon, Nattas dronning i Tryllefløyta, og tittelrolla i Lakmé.[1]
Under andre verdekrigen hadde Schønning ein omfattande konsertserie med Waldemar Johnsen i London. Saman hadde dei meir enn hundre framføringar med norsk musikk. I løpet av denne tida gifta ho seg med redaktør Jonas Schanche Jonasen. Paret slo seg seinare ned i Sandnes, og Schønning arbeidde som sangpedagog i Stavanger fram til ho var 80. Den mest kjende eleven hennar var kontraalten Eva Gustavson. Schønning døydde 98 år gamal i Sandnes i 1994.
Referansar
endre- Denne artikkelen bygger på «Soffi Schønning» frå Wikipedia på engelsk, den 4. desember 2011.
- ↑ «Soffi Schønning (1895-1994)». Norsk operahistorie.