South Walls
South Walls er ei busett øy like ved Hoy i Orknøyane i Skottland.
| South Walls | |
|---|---|
| |
| Geografi | |
  | |
| Stad | Atlanterhavet |
| Koordinatar | 58°51′N 3°11′W / 58.85°N 3.18°W |
| Øygruppe | Orknøyane
|
| Areal | 8,5 km²
|
| Høgaste punkt | 57 moh. |
| Administrasjon | |
| Land | Skottland |
| Region | Orknøyane |
| Største busetnad | Longhope
|
| Demografi | |
| Folketal | 120 (2001) |
| Folketettleik | 14,1 /km² |
South Walls dannar sørsida av hamna Longhope. Ho var ei tidvassøy fram til ei smal vegfylling vart bygd over sandbanken.[1] Sjølv om ho stundom vert rekna som ei halvøy, er ho verkeleg ei øy.[2]
South Walls er ein popuær stoppestad for kvitkinngås.
Geografi endre
.png)
Øya består, som det meste av Orknøyane, av gammal raud sandstein.[3]
Øya har meir eller mindre ei oval form, men det ligg eit lite nes kalla Cantick Head i søraust, danna av Kirk Hope (Church Bay). Mellom Hoy og South Walls ligg Longhope. Området sør for vegfyllinga heiter Aith Hope.
Historie endre
South Walls dukka ofte opp i sogene frå norrøn tid, mellom anna fordi ho var den første øya ein kom til når ein segla vest frå Caithness eller Sutherland. Orkneyinga saga nemner øya fleire gonger.
South Walls spelte òg ei viktig rolle i kristninga av Orknøyane. Sjølv om kristendomen kom til øyane før vikingane, var vikingane likevel ofte heidenske. Olav Tryggvasson, konge av Noreg tvinga jarlen av Orknøyane, Sigurd Hloðvisson til å døypast på South Walls.[1] Sigurd jarl godtok dette og vart verande kristen resten av livet. Han gjorde derimot dette under tvang, for kong Olav hadde lete mange volver vorte bundne fast skjer ved lågvatn og så etterlate dei til høgvatnet kom og drukna dei. Dette var ein lang og frykteleg måte å døy på og kanskje Sigurd jarl venta at han kunne få ein liknande lagnad.
Nordaust på øya ligg Hackness martellotårn og batteri[4] Dette tårnet, samt eit anna tårn på nordsida av Crockness, vart bygde i 1815 for verne britiske skip i Longhope mot åtak frå amerikanske og franske sjørøvarar under napoleonskrigane.[5] Tårna vart utrusta på ny for den første verdskrigen.
Kjelder endre
- Denne artikkelen bygger på «South Walls» frå Wikipedia på engelsk, den 20. mars 2010.
- Wikipedia på engelsk oppgav desse kjeldene:
- Omand, Donald (red.) (2003) The Orkney Book. Edinburgh. Birlinn. ISBN 1-84158-254-9
Tekst frå Encyclopædia Britannica si 11. utgåve, eit leksikon som i dag er offentleg eigedom.
- ↑ 1,0 1,1 Haswell-Smith, Hamish (2004). The Scottish Islands. Edinburgh: Canongate. ISBN 1841954543.
- ↑ «Hoy». 1911 Encyclopedia.
- ↑ Brown, John Flett "Geology and Landscape" in Omand (2003) s.4.
- ↑ "Hackness Martello Tower" Undiscovered Scotland.
- ↑ «Travel Scotland: Hoy». Henta 20. mars 2010.