Sparks av Sparks

Meldingar
Karakter
Allmusic

Sparks-kronologi
Sparks Studioalbum av Sparks

Språk	engelsk
Utgjeve	September 1971 (som Halfnelson) Juli 1972 (som Sparks)
Innspelt	1971
Sjanger	Kunstpop^[1] poprock^[2]
Lengd	40:23
Selskap	Bearsville
Produsent	Todd Rundgren
	Sparks	A Woofer in Tweeter's Clothing (1973)

Singlar frå Halfnelson/Sparks
«Wonder Girl» med «(No More) Mr. Nice Guys» Utgjeve: Mai 1972 (USA) / November 1972 (Storbritannia)

Sparks, opphavleg kalla Halfnelson, er debutalbumet til rockebandet Sparks frå Los Angeles. Albumet kom først ut som Halfnelson, det opphavlege namnet på bandet, og kom ut på ny eit år seinare under det nye namnet på bandet.

Innspeling

På dette tidspunktet i karrieren var Halfnelson eit tremannsband som bestod av brørne Mael og gitaristen Earle Mankey. Demoar som trioen hadde spelt inn i heimestudioet til Mankey vart fanga opp av musikaren og produsenten Todd Rundgren, som signerte dei for selskapet Bearsville og produserte debutalbumet deira i 1971. I eit intervju i 2013 fortalte duoen om at samarbeidet deira med Rundgren var ei særs positiv oppleving. Ron Mael: «Det var skremmande for oss berre å vera i eit studio, men han var verkeleg utruleg open for det me gjorde, og eg trur me verkeleg følte oss som nærskylde ånder, sjølv om noko av hans eigen musikk kanskje var litt meir soulbasert. Men han var ein anglofil akkurat slik me var anglofile. Det heile gjekk utruleg bra med han personleg og musikalsk.» Russell Mael sa: «Han skal ha æra for at han ikkje ville endra det me gjorde, han ville berre at truskapen skulle bli litt betre. Så me skulle inn i eit dyrt innspelingsstudio med Todd, men dunka framleis på pappesker og slikt. Han kunne sjå at innspelingsprosessen på ein måte var ein del av det me var. Det var ikkje det at me trong å bli endra til eit tradisjonelt band. Måten me spelte inn var ein god del av kva me var og kva som gjorde oss interessant som eit band for han.»

«Wonder Girl», den første singelen deira, var eit døme på den uortodokse måten Mael-brørne gjorde det på, og korleis Rundgren var open for dette. Russell Mael sa «Todd ønskte verkeleg å bevara kvaliteten på demoen. Det er ikkje som lyden av eit band på scenen i det heile. Gitardelane er verkeleg bevisste. Opptaket har ein ekte karakter.» Ron Mael sa «Klaverinstrumentet var ein Wurlitzer. Det var alltid vanskeleg for meg å finna ut korleis eit klaverinstrument eigentleg fungerte med eit band. Så i den spesielle songen var det eit slags riff på to tonar.»^[4]

Utgjeving

Halfnelson kom opphavleg ut på Bearsville Records i 1971. kort tid etter albumet kom ut, skifta gruppa namnet sitt til 'Sparks'. Albumet vart så gjeve ut på ny av Bearsville Records i 1972 som Sparks.^[5] Den nye versjonen av albumet hadde eit enklare plateomslag, og synte gruppa i ei meir klassisk posering over eit mønster av raude mursteinar. Singelen frå denne utgjevinga, «Wonder Girl», vart ein liten hit i Alabama og kom inn på Cashbox-lista på ein 92. plass. Songane «Roger» og «Saccharin and the War» er nyinnspelingar av songar frå eit demoalbum utan namn frå 1969, som feilaktig ofte vert kalla «The 'A Woofer In Tweeter's Clothing' Demos».

Nyutgjevingar

Sparks har blitt gjeven ut fleire gongar sidan 1972. Det kjem ofte ut i lag med A Woofer in Tweeter's Clothing. Ei slik utgåve kom i 1975 for å utnytte suksessen dei hadde då i Storbritannia. Denne versjonen heitte 2 Originals of Sparks og vart pakka som eit dobbeltalbum.

Den siste utgåva av albumet kom ut på Rhino Encore i 2008.

Innhald

Side ein
Nr.	Tittel	Låtskrivar(ar)	Lengd
1.	«Wonder Girl»	Ron Mael	2:21
2.	«Fa La Fa Lee»	Ron Mael	2:53
3.	«Roger»	Russell Mael	2:37
4.	«High C»	Ron Mael	3:13
5.	«Fletcher Honorama»	Ron Mael	4:15
6.	«Simple Ballet»	Russell Mael, Ron Mael	3:53

Side to
Nr.	Tittel	Låtskrivar(ar)	Lengd
7.	«Slowboat»	Russell Mael, Ron Mael	3:54
8.	«Biology 2»	Earle Mankey	3:10
9.	«Saccharin and the War»	Russell Mael	4:02
10.	«Big Bands»	Ron Mael, Russell Mael	4:16
11.	«(No More) Mr. Nice Guys»	Jim Mankey, Ron Mael	5:49

Medverkande

Halfnelson

Russell Mael - vokal
Ron Mael - klaverinstrument, piano, orgel
Earle Mankey - gitar, solovokal på «Biology 2»
Jim Mankey - bassgitar
Harley Feinstein - trommer

Teknisk

Todd Rundgren - produsent
Thaddeus James Lowe - lydteknikar
Ron Mael - kunst
Larry Dupont - fotografi

Kjelder

Denne artikkelen bygger på «Sparks (album)» frå Wikipedia på engelsk, den 21. april 2022.
- Wikipedia på engelsk oppgav desse kjeldene:

↑ «Sparks - Biography by Jason Ankeny». AllMusic. Henta 28. april 2019.
↑ Christgau, Robert (1981). «Consumer Guide '70s: S». Christgau's Record Guide: Rock Albums of the Seventies. Ticknor & Fields. ISBN 089919026X. Henta 21. april 2022 – via robertchristgau.com.
↑ Allmusic review
↑ «Sparks - Ron and Russell Mael: 45 Years in Showbiz». soundonsound.com. Henta 21. april 2022.
↑ «Sparks Discography - Albums and 7« Singles». graphikdesigns.free.fr. Henta 21. april 2022.

[1] «Sparks - Biography by Jason Ankeny». AllMusic. Henta 28. april 2019.

[CG-2] Christgau, Robert (1981). «Consumer Guide '70s: S». Christgau's Record Guide: Rock Albums of the Seventies. Ticknor & Fields. ISBN 089919026X. Henta 21. april 2022 – via robertchristgau.com.

[3] Allmusic review

[4] «Sparks - Ron and Russell Mael: 45 Years in Showbiz». soundonsound.com. Henta 21. april 2022.

[5] «Sparks Discography - Albums and 7« Singles». graphikdesigns.free.fr. Henta 21. april 2022.

[1]

[2]

[3]

[4]

[5]