Stan Mortensen

Stanley Harding Mortensen (26. mai 1921–22. mai 1991) var ein engelsk fotballspelar, fødd og død i South Shields. Han er særleg kjend for å ha skåra hat-trick for Blackpool FC i ein FA-cupfinale, noko ingen har gjort han etter på Wembley stadion. Farfaren Hans Mortensen hadde i si tid utvandra frå Noreg.

Stan Mortensen
Statsborgarskap	Det sameinte kongeriket Storbritannia og Irland, Storbritannia
Fødd	26. mai 1921 South Shields
Død	22. mai 1991 (69 år) South Shields
Idrett	fotball
Tok del i	VM i fotball 1950
Utmerkingar	English Football Hall of Fame

Karriere

Klubbspel

Mortensen var senterløpar på Blackpool FC sitt fyrstedivisjons-lag i tida frå 1946 til 1955. Han skåra eitt av finalemåla då Blackpool tapte FA-cupfinalen 1948 2-3 mot Manchester United. Fem år seinare skåra han dei tre fyrste måla til Blackpool den 2. mai 1953, då laget snudde finalen i FA-cupen på Wembley stadion frå å ligge under 1-3 til siger 4-3. Mortensen utlikna i sluttminutta til 3-3 med si tredje skåring, før lagkamerat Bill Perry vart matchvinnar på overtid. Saman med høgrevengen Stanley Matthews fekk Mortensen legendestatus i Blackpool. Mortensen skåra 197 mål for Blackpool FC på 217 kampar.

Landslagsspel

Mortensen fekk sin landslagsdebut 25. mai 1947. 25. juni 1950 på Maracanã i Rio de Janeiro skåra han Englands fyrste mål då Chile vart slått 2-0. Denne skåringa var den aller fyrste for England i ei VM-turnering. Han skåra sitt 23. landslagsmål då England på heimebane den 21. oktober 1953 vart grundig slått 6-3 av Ungarn. Kampen var hans 25. og siste i landslagsdrakta.

Merittar

• Vinnar av FA-cupen: 1953 med Blackpool FC
• Finalist i FA-cupen: 1948 og 1951 med Blackpool FC

Kjelder

• eu-football
• Denne artikkelen bygger på «Stan Mortensen» frå Wikipedia på engelsk, den 13. juli 2024.