Stephen J. Walton
Stephen J. Walton (fødd 16. mai 1958 i Leicester) er ein britisk-norsk språkforskar og forfattar. Han er professor i nynorsk skriftkultur ved Høgskulen i Volda og har mellom anna skrive biografiane Ivar Aasens nedre halvdel (1991) og Ivar Aasens kropp (1996). I 2012 debuterte han som skjønnlitterær forfattar med romanen Roadmovie.[1]
| Stephen J. Walton | |
| Nasjonalitet | Britisk |
| Statsborgarskap | Noreg |
| Fødd | 16. mai 1958 (66 år) Leicester |
| Yrke | skribent |
| Tema | Ivar Aasen, amerikanisering, biografisjangeren |
| Periode | 1991- |
| Debut | Ivar Aasens nedre halvdel |
Utdanning og arbeid
endreWalton tok doktorgrad ved University of Cambridge i 1986 med avhandlinga Farewell the spirit craven : Ivar Aasen and national romanticism om Ivar Aasen og nasjonalromantikken. Før det hadde han studert nordisk og tysk ved University College London. Der byrja han sjølv å undervise i 1983 og han vart etter kvart professor i norsk. Frå 1984 underviste han også årleg ved den internasjonale sommarskulen ved Universitetet i Oslo. Frå 1997 var han professor II i nynorsk skriftkultur ved Høgskulen i Volda og frå 2000 har han vore professor i nynorsk skriftkultur og leiar for Ivar Aasen-instituttet ved høgskulen.[2]
Forfattarskap
endreWalton har skrive to biografiar om Ivar Aasen, Den teksta versjonen om amerikanisering, Skaff deg eit liv! om biografisjangeren og romanen Roadmovie. Han har også skrive for Klassekampen og Dag og Tid.[3][4]
I 2009 fekk han Språkprisen for «framifrå nynorsk i sakprosa»[5] og Melsom-prisen for boka Skaff deg eit liv!.[6]
Bøker
endre- 2012 – Roadmovie – roman
- 2009 – Skaff deg eit liv! – sakprosa
- 2006 – Den teksta versjonen – sakprosa
- 1999 – Litt laust, mest fast – artikkelsamling
- 1996 – Ivar Aasens kropp – biografi
- 1991 – Ivar Aasens nedre halvdel – biografi
- 1987 – Farewell the spirit craven : Ivar Aasen and national romanticism – doktorgradsavhandling
Prisar og utmerkingar
endre- 2009: Språkprisen
- 2009: Melsom-prisen
Referansar
endre- ↑ «Walton, Stephen J.». Nettstaden til Aschehoug & co. Henta 12. februar 2012.
- ↑ «Stephen J. Walton». Nettstaden til Høgskulen i Volda. Henta 12. februar 2012.
- ↑ «Stephen Walton debuterer med roman». Nettstaden til avisa Møre. 3. februar 2012. Henta 13. februar 2012.
- ↑ «Stephen J. Walton». Nettstaden til Samlaget. Henta 13. februar 2012.
- ↑ «Språkprisen 2009 til Stephen Walton (nynorsk) og Flerspråklighet i skolen (bokmål)». Nettstaden til Språkrådet. 11. september 2009. Henta 13. februar 2012.
- ↑ «Melsomprisen til Stephen Walton». Nettstaden til Universitetet i Stavanger. 29. mai 2009. Henta 13. februar 2012.
Bakgrunnsstoff
endre- Om Stephen J. Walton på nettstaden til Høgskulen i Volda[daud lenkje]
- Digitaliserte bøker av Walton[daud lenkje] i bokhylla.no (Nasjonalbiblioteket)
- Stephen J. Walton i BIBSYS[daud lenkje]
- Publikasjonar av Stephen J. Walton i forskingsdokumentasjonssystemet Cristin