Stoltzekleiven
Stoltzekleiven er ein bratt sti i Bergen opp mot Sandviksfjellet. Namnet på stien skriv seg attende til Gerhard Stoltz (1833-1907), som var eigar av Frydenlund, og lét plante til fjellsida i 1873.
Kvart år i september arrangerer Varegg løpet Stoltzekleiven Opp. Løypa går frå Fjellveien, 200 meter sør for Bergen sekundærstasjon, og opp til skaret under Sandviksfløyen. Rekorden for menn er 7 minutt 58 sekund, for kvinner 9 minutt 35 sekund. Løypa har ei stigning på 313,5 meter og går over 801 trappetrinn. Løpet vart arrangert første gong i 1979 då det var 100-årsjubileum for «Fjellveien».[1]
Den 6. februar 2014 sette Bergen kommune opp ein teljar i Stoltzekleiven, som held oversikt over kor mange som brukar Stoltzekleiven kvar dag.[2]