Storglomvatnet
Storglomvatnet er ein regulert innsjø i Meløy kommune i Nordland fylke. Magasinet er regulert for kraftproduksjon i Svartisen kraftverk i Holandsfjorden og er Noregs største vassmagasin (målt i nyttbart volum) med ein kapasitet på 3506 millionar kubikkmeter[1]. Som ein del av utbygging av Stor-Glomfjordvassdragene i Svartisen - Saltfjellet-utbygginga vedtatt i 1987, vart det bygd to større fyllingsdammar for å utvide kapasiteten, Holmvassdammen og Storglomvassdammen. To mindre vatn like ved, Holmvatnet og Litle Storglomvatn vart frå då av inkludert i Storglomvatn-magasinet. I anleggstida vart den nye Storglomvassdammen omtala som verdas høgste av denne typen med asfaltkjerne[2]. Han har ei høgd på 126 meter og har ei damkrone på 820 meter. Storglomvatnet var hovudmagasinet for Glomfjord kraftstasjon frå 1920 til det nye Svartisen kraftverk kom i drift frå 1993.
| Storglomvatnet | |||
| innsjø | |||
 | |||
| Land |  Noreg
| ||
|---|---|---|---|
| Fylke | Nordland | ||
| Kommune | Meløy | ||
| Høgd over havet | 585–460 moh. | ||
| Areal | 28,59 km² | ||
| Kystlengd1 | 45,16 km | ||
| Koordinatar | 66°45′24″N 14°12′03″E / 66.75667°N 14.20083°E | ||
 Storglomvatnet 66°43′00″N 14°12′00″E / 66.716666666667°N 14.2°E | |||
| Wikimedia Commons: Storglomvatnet | |||
| 1 Kystlengd er eit unøyaktig mål som kanskje ikkje er standardisert for denne artikkelen. | |||
Fotnotar
endre- ↑ arkivkopi, arkivert frå originalen 28. september 2007, henta 7. januar 2007
- ↑ arkivkopi, arkivert frå originalen 28. september 2007, henta 7. januar 2007