Sverre Norborg
Sverre Norborg, opphavleg Kristofer Sverre Kristoffersen, (1. mai 1902–13. april 1983) var ein norsk-amerikansk prest og forfattar frå Oslo. Han var ein svært produktiv skribent som gav ut ei mengd bøker, både på norsk og engelsk.
| Sverre Norborg | |
| Fødd | 1. mai 1902 Oslo |
| Død | |
| Yrke | filosof |
Norborg var son til ein Frelsararme-offiser og misjonsleiar. Sjølv vart han utdanna cand.theol. frå Menighetsfakultetet i Oslo i 1925, og var åra 1929-33 sjømannsprest i New York. Boka Sjøliv og sjømenn kom frå hans hand i 1931. Medan han var generalsekretær i Norsk Søndagsskoleforbund 1934-36, tok han i 1935 ved Universitetet i Oslo doktorgarden i filosofi på eit arbeid om den USA-amerikanske tenkaren Josiah Royce. Frå 1938 underviste han i filosofi ved University of Minnesota i ti år.
I tida 1948–68 var Norborg prest i Chicago, fyrst ved Den Norske Lutherske Minnekirke og sidan på Norwegian American Hospital. Deretter budde han nokre år i Noreg. Frå unge år handde han beundra Hans Nielsen Hauge, og gav i 1966 og 1970 ut eit omfattande biografisk verk om reformatoren og samfunnsbyggjaren frå Tune. Hans siste bok, Vekkeren fra Aremark frå 1979, er ein biografi om Ole Hallesby.
Norborg døydde i Dunedin i delstaten Florida.