Tønsbergs Hvalfangeri
A/S Tønsbergs Hvalfangeri var eit norsk kvalfangstselskap som dreiv fangst i Sørishavet og vart stifta 1. oktober 1907.
Selskapet etablerte seg med det flytande kvalkokeriet «Bucentaur» («Busen») i Husvik Harbour i Strømnesfjorden på Sør-Georgia 24. desember 1907. I sesongen 1910/1911 vart aksjekapitalen utvida og ein landstasjon etablert i Husvik. Tønsbergs Hvalfangeri dreiv fangst først med to fangstbåtar, deretter tre og etterkvart fire fangstbåtar fram til nedlegginga av verksemda i Husvik i 1931. I dei 24 åra det var drift i Husvik vart 16 200 kval fanga og 900 000 fat kvalolje og 380 000 sekker guano produsert.[1] Husvik vart opna på ny i 1945 og selt i 1960.
Frå 1920 til 1931 dreiv Tønsbergs Hvalfangeri òg kvalfangst rundt Sør-Orknøyane og i perioden 1925-27 med kvalfangst langs kysten av Peru.
Disponentar
endre- 1907–18 Oscar Hytten
- 1918–38 Hans Borge
- 1938–45 Fadum & Wang
- 1945–55 A. C. Olsen
- 1955– Bror von der Lippe
Kjelder
endre- Denne artikkelen bygger på «Tønsbergs Hvalfangeri» frå Wikipedia på bokmål, den 3. desember 2012.
- Wikipedia på bokmål oppgav desse kjeldene:
- Gunnar Christie Wasberg (1958). Femti år i konkurranse og fremgang. Aktieselskapet Tønsbergs Hvalfangeri 1907-1957. Tønsberg.
- ↑ «Landsstasjonane». Hvalfangstmuseet. Henta 9. april 2008.
Bakgrunnsstoff
endre- A/S Tønsbergs Hvalfangeri – Historien Arkivert 2007-12-16 ved Wayback Machine.