Tamara Todevska
Tamara Todevska (fødd 1. juni 1985), kjend under artistnamnet Tamara, er ein makedonsk popsongar. Todevska representerte Nord-Makedonia i Eurovision Song Contest 2008, og representerte landet på ny i Eurovision Song Contest 2019 med songen «Proud».
| Tamara Todevska | |||
_(cropped).jpg) | |||
| Fødd | 1. juni 1985 (39 år) | ||
|---|---|---|---|
| Fødestad | Skopje | ||
| Opphav | Nord-Makedonia | ||
| Aktiv | 2003– | ||
| Sjanger | pop | ||
| Instrument | vokal | ||
| Verka som | songar | ||
Bakgrunn
endreTodevska vart fødd i Skopje i Den sosialistiske republikken Makedonia i Jugoslavia. Faren hennar er frå Nord-Makedonia, medan mora opphavleg er frå Serbia. Systera Tijana Dapčević er òg ein kjend popartist i Nord-Makedonia.
Todevska deltok i Eurovision Song Contest 2008 saman med Rada Vrtsjakovski og Adrian Gaxha. Trioen song låten «Let Me Love You», men klarte ikkje å kvalifisere seg til finalen.[1] Ho deltok òg i den makedonske uttakinga til Eurovision Song Contest i 2007, men enda på andreplass med låten «Kazi koj si ti». I januar 2019 kunngjorde den makedonske kringkastaren MRT at Todevska skulle representere Nord-Makedonia i Eurovision Song Contest 2019 i Tel Aviv i Israel med songen «Proud».[2]
I januar 2019 vart Nord-Makedonia trekt til å deltake i semifinale 2 av Eurovision Song Contest. Semifinalen vart arrangert i Expo Tel Aviv i Israel torsdag 16. mai, og Nord-Makedonia hadde startnummer 14.[3] I avrøystinga vart Todevska blant dei ti beste i semifinalen, og kvalifiserte seg dimed til finalen laurdag 18. mai.[4] I finalen vann songen juryavrøystinga og enda på sjuandplass samanlagt, den beste plasseringa til Nord-Makedonia i Eurovision Song Contest til då.[5]
Diskografi
endreAlbum
endre- Sino (2005)
- Eden den (2015)
Referansar
endre- ↑ «FYR Macedonia: Tamara, Vrcak & Adrian win». Henta 30. januar 2019.
- ↑ «Tamara Todevska to Tel Aviv for F.Y.R. Macedonia». Henta 30. januar 2019.
- ↑ «Second Semi-Final of Tel Aviv 2019». EBU. Henta 5. mai 2019.
- ↑ «Second Semi-Final: Last 10 acts qualify for Eurovision 2019 Grand Final». EBU. 16. mai 2019. Henta 17. mai 2019.
- ↑ «Grand Final of Tel Aviv 2019». EBU. mai 2019. Henta 26. mai 2019.
- Denne artikkelen bygger på «Tamara Todevska» frå Wikipedia på bokmål, den 31. mars 2021.
