Taplejung distrikt

Taplejung er eit distrikt i Mechi-sona i Den austlege utviklingsregionen i Nepal. Det er er det nordaustlegaste distriktet i landet, og det nest høgaste.

Taplejung ताप्लेजुङ जिल्ला
distrikt
Land	Nepal
Hovudstad	Taplejung
Areal	3 646 km²
Folketal	127 461
Taplejung distrikt 27.35°N 87.666667°E / 27.35; 87.666667
Mechi-distrikta i Nepal Mechi-distrikta i Nepal
Wikimedia Commons: Taplejung District

Taplejung har eit areal på 3 646 km² og eit folketal på nær 130 000. Hovudstaden heiter også Taplejung.

Den nordlege delen av distriktet høyrer til Himalaya. Kantjendjunga, det tredje høgaste fjellet i verda, ligg i Taplejung. Tamur-elva har utspring i dette fjellet og renn gjennom distriktet. Kantjendjunga naturvernområde dekkjer den nordlegaste halvdelen av distriktet.

Pathibhara-tempelet som ligg her er eit viktig valfartsmål for buddhistar, hinduar og kirantar.

I vest grenser Taplejung mot distriktet Sankhuwasabha, i nord mot Tibet, i aust mot Sikkim og i sør mot dei nepalske distrikta Panchthar og Terathum.

Bakgrunnsstoff

• Kart over Taplejung distrikt
• Kart med helsestatistikk (engelsk)

Kjelder

• «Where we operate», kangchenjunga.org

• Denne artikkelen bygger på «Taplejung distrikt» frå Wikipedia på bokmål, og «Taplejung District» frå Wikipedia på engelsk den 20. mars 2014.