The Hindu
The Hindu er ei engelskspråkleg dagsavis i India. Ho har hovudkvarter i Chennai. Ho har eit gjennomsnittleg sal av 1,39 millionar eksemplar (desember 2013),[2] og har eit utrekna lesartal på 2,2 millionar.[3] Ho er med dette den andre største engelske dagsavisa i India etter opplag, og den tredje største etter lesartal (etter Times of India i begge høva og Hindustan Times i sistnemnde). Ho er den mest lesne engelske dagsavisa i Tamil Nadu og Kerala.
| The Hindu | |
 Hovudkontoret til The Hindu i Chennai | |
| Type | Dagsavis |
|---|---|
| Format | Fullformat |
| Grunnlagd | 20 September 1878 |
| Utgjevar | N. Ram[1] |
| Redaktør(ar) | Malini Parthasarathy Sjefredaktør(ar): Narasimhan Ram |
| Språk | Engelsk |
| Opplag | 1 391 550 dagleg (desember 2013)[2] |
| Hovudkvarter | Chennai i Tamil Nadu i India |
| ISSN | 0971-751X |
| Nettstad | www |
The Hindu starta som ei vekeavis då ho først blei gjeven ut i 1878, og fekk daglege utgåver frå 1889. Ho blei opphavleg danna som eit motsvar til den anglo-indiske pressa sin svertekampanje mot T. Muthuswamy Iyer, den første innfødde dommaren ved Madras High Court. Avisa fortsette ei nasjonalistisk linje i protest mot det britiske kolonistyret.
Etter administrative og økonomiske vanskar blei avisa kjøpt opp av S. Kasturi Ranga Iyengar i 1900, og familiemedlemmer har seinare hatt leiande roller i drifta. Avisa tilhøyrer The Hindu Group, som også gjev ut avisa The Hindu på tamil, nyheitsmagasinet Frontline og idrettsmagasinet Sportstar.
Kjelder Endra
- ↑ «Changes at the Helm: Editorial and Business». The Hindu (Chennai, India). 22 October 2013. Henta 22 October 2013.
- ↑ 2,0 2,1 «Details of language wise most circulated dailies for the audit period July-December 2013». Audit Bureau of Circulations. Henta 10. november 2014.
- ↑ «Indian Readership Survey (IRS) 2011 – Quarter 2» (PDF). Newswatch.in. 30 June 2011. Henta 16 October 2007.
- Denne artikkelen bygger på «The Hindu» frå Wikipedia på engelsk, den 22. mars 2015.
Bakgrunnsstoff Endra
- The Hindu. Offisiell nettstad.