Thursday Afternoon
| Thursday Afternoon Studioalbum av Brian Eno | ||
| Språk | inkje språkleg innhald | |
| Utgjeve | 1985 | |
| Innspelt | 1984 & 1985 | |
| Sjanger | Ambient | |
| Lengd | 61:00 | |
| Selskap | Polydor | |
| Produsent | Brian Eno, Roger Eno, Daniel Lanois | |
| Kritikk | ||
|---|---|---|
|
||
| Brian Eno-kronologi | ||
| Begegnungen II (1985) |
Thursday Afternoon | Hybrid (1985)
|
Thursday Afternoon er eit album frå 1985 av den britiske ambient-musikaren Brian Eno som består av ein 61 minuttar lang komposisjon med same namn. Han er omarrangert frå musikken til ein videoproduksjon med same namn frå 1984.
Oversyn
endreEtter innspelinga av Discreet Music i 1975 hadde Eno synt ei stor interesse i å skape musikk som kan påverke atmosfæren i rommet han vert spelt i, i staden for at musikken i seg sjølv har direkte fokus. Videoen Thursday Afternoon kom til som ei rekkje av sju «videomåleri» som ein kan sjå på utan at det krev full merksemd frå sjåaren. Kvart segment syner eit enkelt bilete som har vorte handsama med visuelle effektar, på liknande måte som musikken til Eno ofte består av enkle instrument som har vorte handsama med lydeffektar.
Musikken på dette albumet består av fleire spor med handsama piano og elektroniske teksturar. Laga i komposisjonen er fasa slik at forholdet dei i mellom heile tida endrar seg på liknande måte som på Discreet Music. Dette var òg eit av dei første albuma som tok nytte av den (då nye) utvida lengda på det nye CD-formatet, og inneheld berre eitt spor på 61 minuttar.
Teksten på plateomslaget er skriven av C. S. J. Bofop. Om ein byt ut bokstavane med dei som kjem føre, vert dette til B. R. I. Aneno.
Innhald
endre- «Thursday Afternoon» – 61:00
Medverkande
endre- Brian Eno – framføring, miksing, samling og produksjon
- Daniel Lanois – miksing, lydteknikar, produksjon
- Roger Eno – framføring, produksjon
- Michael Brook – miksing, samling
Kjelder
endre- Denne artikkelen bygger på «Thursday Afternoon» frå Wikipedia på engelsk, den 24. april 2011.
