Tony Orlando
Michael Anthony Orlando Cassavitis (fødd 3. april 1944), betre kjend som Tony Orlando, er ein amerikansk songar og var frontmann i Tony Orlando and Dawn tidleg i 1970-åra. Han vart oppdaga av produsenten Don Kirshner, og hadde songar på hitlistene alt i 1961, då han var 16 år gammal, med «Halfway to Paradise» og «Bless You». Orlando vart så produsent sjølv, og frå tidleg alder vart han forfremma til visedirektør i CBS Records, der han hadde ansvaret for avdelinga April-Blackwood Music. Han song under namnet «Dawn» i 1970-åra, og då songane vart hittar, reiste han på turne og gruppa vart «Tony Orlando and Dawn». Dei hadde fleire songar som vart store hittar, som «Candida», «Knock Three Times» og «Tie a Yellow Ribbon Round the Ole Oak Tree». Gruppa var programleiarar for eit fjernsynsprogram, «The Tony Orlando and Dawn Show» på CBS frå 1974 til 1976, og vart så oppløyst i 1978. Orlando heldt fram som soloartist, og spelte i Las Vegas og Branson i Missouri.[1] Orlando var programleiar for New York City-delen av MDA Labor Day Telethon på WWOR-TV sidan 1980-åra. Han slutta i showet i 2011 då Jerry Lewis fekk sparken frå Muscular Dystrophy Association.
| Tony Orlando | |||
 Tony Orlando i 2022 | |||
| Fødd | 3. april 1944 (80 år) | ||
|---|---|---|---|
| Fødestad | New York by | ||
| Fødenamn | Michael Anthony Orlando Cassavitis | ||
| Opphav | New York City i USA | ||
| Aktiv | 1961 til i dag | ||
| Sjanger | Pop | ||
| Instrument | vokal | ||
| Tilknytte artistar | The Five Gents, Wind, Tony Orlando and Dawn | ||
| Plateselskap | Bell Records | ||
| Verka som | Synging | ||
| Prisar | stjerne på Hollywood Walk of Fame | ||
Diskografi endre
Album endre
- Bless You (1961)
- Make Believe (1969) (med 'Wind')
- To Be With You (1976)
- Livin' for the Music (1977)
- Tony Orlando (1978)
- I Got Rhythm (1979)
Kjelder endre
- ↑ Jones, Joy (November 30, 1999). «Orlando dawns a new era». Sun Herald.