Trampoline

Trampoline (frå italiensk trampoli, 'styltrar'^[1]^[2]) er eit turn- og leikeapparat. Det er bygd opp av røyr av galvanisert stål som ramme, og med ein duk festa til ramma ved hjelp av fjører.^[3]^[4] Ved å hoppa oppå dette apparatet kan ein spretta opp i lufta ved hjelp av fjøringa, som strekker seg i det ein landar og trekk seg raskt saman igjen.^[5]

Historie

Den moderne trampolinen blei oppfunnen av amerikanaren George Nissen i 1936. Under andre verdskrigen blei trampolinane hans brukte til trening av pilotar for å auka evna deira til å orientera seg i lufta. Trampolinen ein kjenner i dag finst mykje takka vera Nissen.

Frå 1. januar 1999 blei trampolinesport ein del av Dei olympiske leikane i både manns- og kvinneklassen. Trampolinesporten er, utanom ein barneaktivitet, også ei idrettsgrein innanfor turn som har ein særs høg kvalitet. Trampoline i OL har så langt funne stad i Sydney (2000) og Beijing (2008).^[6]

Trening

Trampolinebruk gjev god trening for heile kroppen, og styrkar spesielt ryggen, magen og beina. I tillegg gjev det god balanse og koordinasjon. Etterkvart som ein blir betre, kan ein prøve på moment, og romkoordinasjonen vil forbetra seg mykje.

Moment

Eit moment på trampoline strekk seg frå eit heilt vanleg strekkhopp til enkle saltoar, enkle vendingar og kompliserte doble/triple/firedobla saltoar både med og utan skru.

Dei vanlegaste momenta ein utfører på ein trampoline er:

Stå til sitja og opp m/u skru; Landinga skjer med hovudtrykk på kroppsdel
Stå til mage og opp m/u skru; Landinga skjer med hovudtrykk på kroppsdel
Stå til rygg og opp m/u skru; Landinga skjer med hovudtrykk på kroppsdel
Skru; vendingar med eller mot klokka langs vertikalaksen (bein til hovud), tal rotasjonar blir rekna til grader
Framlengs/baklengs salto; 360° rotasjon anten framover eller bakover om tverraksen (hofteside til hofteside)

Jenter som hoppar i organisert trampolineidrett, synkront

Kjelder

↑ «trampoline, n.». Oxford English Dictionary (3. utg.). Oxford University Press. September 2005. (Krev abonnement eller medlemskap i britisk offentleg bibliotek.)
↑ «trampoline» i Nynorskordboka.
↑ Standard Underholdningstrampoline - Fakta, arkivert frå originalen 1. august 2009, henta 20. desember 2022
↑ Om Trampolinen, arkivert frå originalen 12. april 2010, henta 20. desember 2022
↑ Trampoline - Om spretten, arkivert frå originalen 14. mai 2009, henta 20. desember 2022
↑ Olympic.org

Denne artikkelen bygger på «Trampoline» frå Wikipedia på bokmål, den 20. desember 2022.

Bakgrunnsstoff

Commons har multimedium som gjeld: Trampoline

[1] «trampoline, n.». Oxford English Dictionary (3. utg.). Oxford University Press. September 2005. (Krev abonnement eller medlemskap i britisk offentleg bibliotek.)

[2] «trampoline» i Nynorskordboka.

[3] Standard Underholdningstrampoline - Fakta, arkivert frå originalen 1. august 2009, henta 20. desember 2022

[4] Om Trampolinen, arkivert frå originalen 12. april 2010, henta 20. desember 2022

[5] Trampoline - Om spretten, arkivert frå originalen 14. mai 2009, henta 20. desember 2022

[6] Olympic.org

[1]

[2]

[3]

[4]

[5]

[6]