Tryllestavar i Harry Potter

Tryllestavar i Harry Potter-serien er laga av forskjellige tresortar, med ein magisk og kraftig kjerne. Det er eit par ting ein må hugse kva gjeld tryllestavar (dette gjeld Olivanders- tryllestavar, sidan alle tryllestavmakarar har ulik oppskrift).

• Ikkje to tryllestavar er like.
• Ein magikar vil aldri få eit ordentleg resultat viss han bruker tryllestaven til ein annan magikar.
• Viktigast av alt; tryllestaven vel magikaren, ikkje omvendt.

Både Gygrid og Ronny Wiltersen greier å utføre trylleformlar med øydelagde tryllestavar, men resultata er likevel uføreseieleg.

Tryllestavprodusentane:

Olivanders

Olivanders ser litt shabby ut, med flassande gullbokstavar over døra og ein einaste tryllestav på ei bleik pute i vindauget. Butikken er liten, støvete og stille, og det kjennest litt som å vere i eit veldig strengt bibliotek. Men i staden for bøker er hyllene fylte med tusen av små, tynne boksar som er stabla fint opp mot taket.

Olivanders ser ut til å driven av ein slags hemmeleg magi. Herr Olivander er ein elskverdig gammal magikar, med breie, bleike, sølv-aktige auge og lange fingrar. Herr Olivander kan hugse alle av tryllestavane han har selt.

Han blir innkalla til Galtvort høgare skule for hekseri og trolldom i Harry sitt fjerde år (Harry Potter og ildbegeret) for å vere til stades ved vervinga av tryllestavane til tretrollmannsturneringa. Olivanders butikk i Diagonallmenningen er no forlaten etter Harry Potter og Halvblodsprinsen.

Gregorovitsj

Gregorovitsj er ein magikar frå Aust-Europa, og er produsenten bak Viktor Krumm sin Tryllestav. Han blir av dei fleste vurdert som endå betre i profesjonen sin enn Olivander sjølv. Han pensjonerte seg for nokre år sidan og Viktor Krumm var ein av dei siste som fekk ein stav laga av han.

Kjelder

• Denne artikkelen bygger på «Tryllestaver i Harry Potter» frå Wikipedia på bokmål, den 4. november 2020.