Tubax

Tubax er eit treblåseinstrument. Instrumentet er ein modifisert kontrabass-saksofon funnen opp av Benedikt Eppelsheim. Den er stemt i Ess med grunntone Ess₁, til liks med kontrabass-saksofonen. Tubaxen vert notert i G-nøkkel som transponerande instrument, og har ei rekkevidde frå Db₁ til h¹. Tubaxen finst òg stemt i C og Bb, med grunntone C₁ og Bb₂. Bb-tubaxen kan sjåast på som ei endeleg realisering av Adolphe Sax sin 150 år gamle plan om ein subkontrabass-saksofon.

Tubaxen har ei mykje trongare boring enn kontrabass-saksofonen, og er meir lik ein sarrusofon. Den har same fingring som kontrabass-saksofonen, og tek i bruk eit barytonsaksofon-munnstykke. Den tronge boringa gjer at den har mindre kraft enn ein kontrabass-saksofon, men det gjer òg sitt til at at den lettare kan spele mjukt og i dei lågare registra. Klangleg er den som ein barytonsaksofon med éin ekstra oktav nedover.

Bakgrunnsstoff

• Benedikt Eppelshiem sin nettstad Arkivert 2007-02-10 ved Wayback Machine.
• MP3 lydklipp av ein tubax. På tubax: Randy Emerick med the Jerry Fischer Orchestra
• Meir om instrumentet tubax