TuralTuranX
TuralTuranX er ein aserbajdsjansk musikkduo beståande av tvillingbrørne Tural og Turan Bağmanov (fødde 30. oktober 2000).[1] Dei representerte Aserbajdsjan i Eurovision Song Contest 2023 med songen «Tell Me More».
| TuralTuranX | |||
.jpg) | |||
| Instrument | piano | ||
|---|---|---|---|
Bakgrunn
endreTural og Turan Bağmanov kjem frå Zaqatala i nordvestlege Aserbajdsjan. Brørne såg fyrste gong eit piano på skulen og blei så fascinert av det, at dei øvde og spelte på det i skjul.[1] Sidan kjøpte faren ein brukt synthesizer, og dei lærte seinare å spele gitar.[1] TuralTuranX byrja å opptre på skuleframsyningar og andre lokale arrangement. Då faren døydde, slutta dei med musikk for ein periode.[2]
Tural flytta seinare til hovudstaden Baku og skipa bandet TheRedJungle saman med ein ven. Raskt byrja også Turan å opptre i bandet.[1] Brørne opptredde også som gatemusikantar.[3]
Vinteren 2023 deltok TuralTuranX i den interne uttakinga til kringkastaren İctimai Televiziya for å velje representant og bidrag til Eurovision Song Contest 2023 for Aserbajdsjan.[4] Den 9. mars 2023 kunngjorde kringkastaren at han hadde valt brødreparet til å representere Aserbajdsjan. Dei deltok i den fyrste semifinalen tysdag 9. mai i Liverpool med songen «Tell Me More».[5] Songen enda nest sist i semifinalen med 4 poeng og kvalifiserte seg dimed ikkje til finalen 13. mai.[6]
Privatliv
endreTural og Turan Bağmanov hadde to andre brør, Emin og Camal, som begge omkom i ei trafikkulukke i landsbyen Yuxarı Tala i 2015.[7]
Referansar
endre- ↑ 1,0 1,1 1,2 1,3 «Meet TuralTuranX from Azerbaijan Eurovision 2023 [GET TO KNOW]» (på norsk bokmål). Henta 11. mars 2023.
- ↑ «TuralTuranX - Get to know / Tell Me More [Eurovision 2023 Azerbaijan]» (på norsk bokmål). Henta 11. mars 2023.
- ↑ NDR. «TuralTuranXvertreten Aserbaidschan beim ESC in Liverpool». www.eurovision.de (på tysk). Henta 11. mars 2023.
- ↑ Granger, Anthony (2. februar 2023). «Azerbaijan: Five Acts in Contention for Eurovision 2023 Revealed». Eurovoix (på engelsk). Henta 11. mars 2023.
- ↑ «TwinsTuralTuranX to represent Azerbaijan». eurovision.tv (på engelsk). 9. mars 2023. Henta 11. mars 2023.
- ↑ «FirstSemi-Final of Liverpool 2023 - Eurovision Song Contest». eurovision.tv. Henta 18. mai 2023.
- ↑ «Avroviziya”ya gedən Tural-Turan kimdir? - Video». QafqazInfo (på aserbajdsjansk). 9. mars 2023. Henta 9. mars 2023.
- Denne artikkelen bygger på «TuralTuranX» frå Wikipedia på bokmål, den 7. desember 2023.