Utvær

Utvær er namnet på den vestlegaste øygruppa i Noreg, og likeeins namnet på fiskeværet som ligg her. Øygruppa ligg i Sognesjøen i øykommunen Solund i Vestland, om lag 18 kilometer vest om kommunesenteret Hardbakke. Heile øygruppa er freda under namnet Utvær naturreservat.

Utvær er òg namnet på fiskeværet i øygruppa Utvær, og Utvær fyr (i bakgrunnen på fotografiet) ligg i utkanten av fiskeværet.

På Holmebåen på den vesle øya Steinsøy i denne øygruppa ligg det vestlegaste punktet i Noreg (frårekna Jan Mayen). På øygruppa finn ein òg Utvær fyrstasjon, eit kystfyr av tredje ordenen. Fyret har raudt tårn, med lyskjelda 45 meter over havet.

• 

  Fiskeværet Utvær

• 

  Fiskeværet og fyret

• 

  Utvær i 1913.