Valentina Litujeva

Valentina Mikhailovna Litujeva, fødd Bogdanova, (28. februar 1930–4. april 2008) var ein sovjetisk friidrettsutøvar frå Leningrad.

Valentina Litujeva
Statsborgarskap	Sovjetunionen
Fødd	28. februar 1930 St. Petersburg
Død	4. april 2008 (78 år)
Yrke	friidrettsutøvar
Høgd	163 centimeter
Ektefelle	Jurij Litujev

Bogdanova vann lengdehopp-tevlinga under europameisterskapen 1950 i Brüssel med eit hopp på 5,82 meter. Ho hadde 19 centimeter til gode på sølvvinnaren Wilhelmina Lust frå Nederland.

Etter at ho hadde gifta seg med hekkeløparen Jurij Litujev, enda ho som Valentina Litujeva på ellevteplass i lengdehopp med 5,65 m då Sommar-OL 1952 fann stad i Helsinki. Same sesongen vart ho sovjetisk meister i lengdehopp etter å ha landa på 5,98 m, hennar einaste nasjonale tittel.

Ved EM i friidrett 1958 i Stockholm nådde ho 6,00 meter og berga sølvmedaljen med kanpp margin, to andre utøvarar stoppa på 5,99 m. To veker etter europameisterskapen gjorde ho i Moskva sitt livs lengste lengdehopp; 6,10 meter.

Kjelder

• Denne artikkelen bygger på «Walentina Michailowna Litujewa» frå Wikipedia på tysk, den 10. august 2015.