Vincent Enyeama

Vincent Enyeama (fødd 29. august 1982 i Kabunia) er ein nigeriansk fotballspelar som spelar som keeper for Lille i fransk Ligue 1, og for det nigerianske landslaget.

Vincent Enyeama

Personleg informasjon
Fødd	29. august 1982
Fødestad	Kabunia
Høgd	180 cm
Posisjon	Keeper
Klubbinformasjon
Noverande lag	Lille
Nummer	16
Seniorkarriere*
År	Lag	Kampar (Mål)
1999-2000 2001-04 2005 2005-07 2007-11 2011-	Ibom Stars Enyimba Iwuanyanwu Nationale Bnei Yehuda Hapoel Tel Aviv Lille	56 (1) 100 (10) 36 (0) 56 (0) 113 (8)
Landslag
2002-	Nigeria	58 (1)
* Seniorklubbkampar og mål berre telt for nasjonal liga

Klubbkarriere

Enyeama spelte fire sesongar for Enyimba i nigeriansk premier league, der han var med å vinna den afrikanske meisterligaen i 2003 og 2004. I 2005 vart han kjøpt av den israelske klubben Bnei Yehuda frå Tel Aviv. I den første sesongen hans hjå dei kom laget på fjerde plass i den israelske ligaen og kvalifiserte seg dermed til UEFA-cupen. I 2007 gjekk han over til den andre Tel Aviv-klubben Hapoel Tel Aviv. I 2009 vart han kåra til årets spelar i Israel.

Landslagskarriere

Enyeama vart teken med i troppen til fotball-VM i 2002 som reservekeeper. Han spelte éin kamp i turneringa, då han heldt buret reint mot England. Etter VM i 2002 tok han over som Nigeria sin førstekeeper etter Ike Shorunmu, og stod i mål for Nigeria under Afrikameisterskapen i 2004, 2006, 2008 og 2010. I kvartfinalen under Afrikameisterskapen i 2010 mot Zambia vart han Nigeria sin helt, då kampen enda 0-0 og gjekk til straffesparkkonkurranse. Han redda ei straffe, før han sjølv skåra på den femte og avgjerande straffa, slik at Nigeria gjekk vidare til semifinalen.

Kjelder

• Denne artikkelen begynte med ei omsetjing frå engelsk wikipedia 13. mars 2010.