Voss husflidskule

Voss husflidskule er den minste av dei vidaregåande skulane på Voss, og ligg ca. 2 km vest for Voss sentrum. Her går det ca. 140 elevar, fordelt på to studieretningar, formgjeving og media.

Skulen har hatt same namn sidan den vart starta. Då var det generelt husflidsarbeid som skjedde der. Skulen har valt å behalda namnet den dag i dag for å bevara litt av særpreget, sjølv om det einaste som minnar om husflid der i dag er ein og annan vevstol som står igjen frå gamalt av.