W.A.B. Coolidge
William Augustus Brevoort Coolidge (28. august 1850–8. mai 1926) var ein USA-amerikansk fjellklatrar, historikar og anglikansk teolog.
| W.A.B. Coolidge | |
 | |
| Statsborgarskap | USA |
| Fødd | 28. august 1850 New York by |
| Død |
8. mai 1926 (75 år) |
| Yrke | fjellklatrer, lærar, historikar, teolog |
| Språk | engelsk |
| Religion | Den anglikanske kirke |
| W.A.B. Coolidge på Commons | |
Liv
endreCooldige var fødd i New York i USA, son til ein forretningsmann frå Boston. Etter studiar av historie og jus i Concord i delstaten New Hampshire, på Guernsey og i Oxford, underviste han i historie fram til 1881, og vart prest i den anglikanske kyrkja i 1883. To år etter slo han seg ned i Grindelwald i Sveits, der han han livnærte seg som skribent og publisist til han døydde 41 år seinare. Mellom anna var han redaktør av britisk Alpine Journal, utgitt av Alpine Club.
Coodlidge var ein av dei leiande fjellklivarane i den såkalla sylvalderen i fjellklartringa, tida etter 1865. Gjennom tre tiår farta han rundt i dei sveitsiske, franske og italienske Vets-Alpane og stod for ei rad fyrstebestigningar, ofte i lag med fjellføraren Christian Almer. Saman med morsystera, nederlandske Meta Brevoort, og fjellførarane Christian og Ulrich Almer, far og son, kleiv dei i januar 1874, som dei fyrste vinterturistane, til topps på Jungfrau i Berner Oberland.
Hunden Tschingel, som Coolidge fekk av Almer, tok del i vinterturen til Jungfrau og 30 andre turar til stortoppar i Alpane, 11 av dei fyrstebestingingar. Tschingel vart utnemnd til heidersmedlem i Alpine Club, som det einaste hokjønnet i si samtid.
Fyrstebestigingar i Alpane
endre- Piz Badile, 27. juli 1867, med François Devouassoud og Henri Devouassoud[1]
- Ailefroide, 7. juli 1870, med Christian Almer og Ulrich Almer
- Midttoppen på La Meije, 1870, med Meta Brevoort og tre fjellførarar
- Unterbächhorn, 1872
- Fyrste vintertur på Jungfrau, januar 1874, med Christian og Ulrich Almer
- Vesttopen på Les Droites, 16. juli 1876, med Christian og Ulrich Almer
- Pic Coolidge, juli 1877, med Christian og Ulrich Almer
- Les Bans, 14. juli 1878, med Christian og Ulrich Almer
- Sørtoppen på Aiguilles d'Arves, 22. juli 1878, med Christian og Ulrich Almer
- Monte Matto, 14. juli 1879, med Christian og Ulrich Almer
- Aiguille de Chambeyron, 1879, med Christian Almer
- Scherbadung, 1886
- Chüebodenhorn, 1892
Kjelder
endre- ↑ Robin Collomb, Bregaglia West, Goring: West Col Productions, 1988
- Denne artikkelen bygger på «W. A. B. Coolidge» frå Wikipedia på tysk, den 29. desember 2015.
- Denne artikkelen bygger på «W. A. B. Coolidge» frå Wikipedia på engelsk, den 29. desember 2015.