Walter Tresch (fødd 4. april 1948) frå Bristen i Silenen er ein sveitsisk, tidlegare skirennar. Han var ein allsidig alpinist, som mellom anna kom på pallen i samtlege fire øvingar i den dåverande verdscupen i alpint. I 1972 fekk han VM-sølv i den alpine kombinasjonen i 1972, medan han vart nummer fem i i sin beste sesong i verdscupe, 1976-sesongen.

Walter Tresch


Statsborgarskap Sveits
Fødd 4. april 1948 (75 år)
Silenen
Idrett alpint
Tok del i

Vinter-OL 1976, Vinter-OL 1972

Aktiv endre

Tresch markerte seg første gongen i verdscupen vinteren 1970. Han kom då på sjetteplass i eit storslalåmrenn i Kranjska Gora, medan han på Voss, i det siste slalåmrennet for sesongen, vart nummer fem. Sin første verdscupsiger fekk han vinteren 1971 i utfor, den øvinga han gjorde det best i den sesongen.

OL-sesongen 1972 var Tresch som best nummer tre i to verdscuprenn, eitt i utfor og eitt i storslalåm. Han deltok for Sveits i alle tre spesialøvingane under OL 1972 i Sapporo og var som best nummer seks i utfortevlinga. Med dei jamt gode resultata kom han på andreplass i kombinasjonsøvinga, ei øving som ikkje var del av det olympiske programmet, men vart rekna som ei VM-øving. Resultatlista i øvinga var basert på utfortevlinga og slalåmtevlinga som vart arrangert som separate OL-øvingar.

1973-sesongen var Tresch klart best i slalåm i verdscupen. Han kom på andreplass i Wengen og tredjeplass i det påfølgjande rennet i Megeve. Ein fjerdeplass i slalåm på Voss var hans beste prestasjon i verdscupen 1974. Under VM i alpint 1974 i St. Moritz vart han nummer fem i slalåmtevlinga. Ferda nedover på resultatlistene heldt fram i 1975, då han som best vart nummer seks, denne gongen i utfor.

Tresch beste samanlagtplassering i verdscupen i alpint kom i 1976. Han kom då på femteplass, trass i at han ikkje ein einaste gong stod på pallen i eit enkeltrenn i korkje slalåm, storslalåm eller utfor. Men han hadde fleire gode renn, mellom anna kom han gjennom sesongen inn mellom dei seks beste i kvar dei tre spesialøvingane som då stod på verdscup-programmet. Og han vann den alpine kombinasjonen i Kitzbühel. Under vinter-OL 1976 i Innsbruck kom han på fjerdeplassen i slalåm og sjuandeplassen i utfor.

I 1977 kom Tresch i verdscupen som best på ein tredjeplass i slalåm, før han vann kombinasjonen i Wengen.

Tresch la opp i 1977, etter å ha vunne fire renn i verdscupen i alpint. Fjorten gongar stod han på pallen, flest gongar (6) etter kombinasjonsøvingar.

Verdscupsigrar endre

Dato Stad Land Øving
16. januar 1971 St. Moritz Sveits Utfor
9. januar 1976 Garmisch Tyskland Kombinasjon
25. januar 1976 Kitzbühel Austerrike Kombinasjon
23. januar 1977 Wengen Sveits Kombinasjon

Kjelder endre