Wast Water
Wast Water eller Wastwater er ein innsjø i Lake District i England. Innsjøen er om lag 4,6 km lang og 600 meter brei, og ligg i dalen Wasdale. Han er den djupaste innsjøen i England[1] med ei djupne på 79 meter. Innsjøen er eigd av National Trust.
| Wast Water | |||
| innsjø | |||
 | |||
| Land |  Storbritannia
| ||
|---|---|---|---|
| Utløp | Irt | ||
| Høgd over havet | 61 moh. | ||
| Lengd | 4,88 km | ||
| Breidd | 0,794 km | ||
| Areal | 2,8 km² | ||
| Største djupn | 79 m | ||
| Kystlengd1 | 11 km | ||
| Koordinatar | 54°26′30″N 3°17′30″W / 54.44167°N 3.29167°W | ||
 Wast Water 54°26′30″N 3°17′30″W / 54.441666666667°N 3.2916666666667°W | |||
| Wikimedia Commons: Wast Water | |||
| 1 Kystlengd er eit unøyaktig mål som kanskje ikkje er standardisert for denne artikkelen. | |||
Dei bratte sidene på søraustsida av innsjøen, som fører opp til toppane av Whin Rigg og Illgill Head, vert kalla Wastwater Screes eller på somme kart berre The Screes. Området øvst i Wasdale er omgjeve av nokre av dei høgaste fjella i England, som Scafell Pike, Great Gable og Lingmell.
Wast Water er kjelda til elva Irt som munnar ut i Irskesjøen nær Ravenglass. Det går ein populær sti langs innsjøen.
Vatn frå innsjøen vert pumpa til det nærliggande Sellafield-anlegget som handsamar atomavfall.[2]
Nissar på botn
endreVatnet i innsjøen er klårt, med god sikt ned mot 50 meter. Dykkarar hadde her plassert ut hagenissar med stakittgjerde rundt. På slutten av 1990-åra oppstod det fleire dødsfall då andre dykkarar gjekk for djupt på leit etter desse nissane.[3][4]
Kjelder
endre- Denne artikkelen bygger på «Wast Water» frå Wikipedia på engelsk, den 30. mars 2010.
- Wikipedia på engelsk oppgav desse kjeldene:
- ↑ arkivkopi, arkivert frå originalen 4. september 2009, henta 30. mars 2010
- ↑ arkivkopi, arkivert frå originalen 16. mars 2008, henta 30. mars 2010
- ↑ «Underwater gnome threat 'returns'». BBC News. 14. februar 2005. Henta 30. mars 2010.
- ↑ «Bearded wonder». The Telegraph. 16. mars 2007. Henta 30. mars 2010.