Wheatstone-bru

Wheatstone-bru er ei elektrisk kopling berekna på måling av resistansen i ein ukjend motstand. Den ukjende motstanden blir kopla saman med kjende motstandar til ei ei straumkjelde og eit kjenslevart galvanometer. Storleiken av motstandane R₁ og R₂ blir vald slik at dei dannar eit dekadisk forholdstal, og R₃ blir regulert til det ikkje går straum i galvanometret. Då er R_x=R₃·(R₁/R₂). Raske og nøyaktige målingar kan utførast med digitale ohm-meter, der målinga føregår ved at det blir sendt ein konstant, stabilisert straum gjennom den ukjende motstanden, og spenninga over motstanden blir målt med digitalvoltmeter. Ved måling av resistansen i væsker må det brukast vekselstraum for å redusere verknaden av polarisasjon. Tilsvarande brukoplingar blir òg brukt for måling av sjølvinduktans og kapasitans. Det må då brukast vekselstraum, og galvanometret blir erstatta av eit vekselstraum-instrument eller forsterkar med høyretelefon.

Prinsippskjema for Wheatstone-bru.

Sjå òg

• brukopling

Kjelder

• Wheatstones bro. I Store norske leksikon.