Wikipedia:Utvald artikkel/Veke 40, 2024

Hainan er ein provins sør i Kina, ved Sør-Kina-havet. Han er den minste av alle provinsane i Kina. Haikou er hovudstad i provinsen. Kring hovudøya Hainan ligg om lag to hundre øyar fordelt på tre øygrupper utanfor sørkysten, landarealet på desse utgjer tre prosent av totalarealet i provinsen Hainan. Kina hevdar elles at dei sørlege Spratlyøyane og Paraceløyane høyrer med til Hainan. Hainan er ei av dei økonomiske spesialsonene som vart oppretta på slutten av 1980-åra, under den kinesiske leiaren Deng Xiaoping. Les meir …