Wikipedia:Vekas artikkel/Veke 27, 2011

Norske redningsskøyter er fartøy som er spesialbygde for å drive redning og berging til sjøs. Frå den første skøyta, RS «Langesund» (RS 2), vart bygd og sjøsett i 1892 har om lag 150 fartøy vore i drift. Dei aller fleste har vorte bygde og haldne i drift av Redningsselskapet. Mange av dei er finansierte ved gåver, og namnet på skøyta har då ofte tilknyting til gjevaren. Redningsselskapet reknar med at redningsskøytene har redda over 6 000 menneske sidan 1893. Meir enn 160 000 fartøy har fått assistanse. Les meir …