Wilhelm Egon von Fürstenberg
Vilhelm Egon av Fürstenberg (2. desember 1629–10. april 1704) var ein tysk geistleg som var biskop av Strasbourg.
| Wilhelm Egon von Fürstenberg | |
.jpg) | |
| Statsborgarskap | Tyskland |
| Fødd | 2. desember 1629 Heiligenberg |
| Død | |
| Yrke | katolsk prest, katolsk biskop |
| Språk | tysk |
| Religion | Den romersk-katolske kyrkja |
| Far | Egon VIII of Fürstenberg-Heiligenberg |
| Wilhelm Egon von Fürstenberg på Commons | |
Han starta karrieren sin som soldat i fransk teneste.
Han reiste i lag med broren sin, Frans Egon, til hoffet til kurfyrsten av Köln. I 1672 hadde dei to brørne klart å få i stand ein allianse mellom det franske monarkiet og Kurfyrstedømet Köln. Vilhelm vart då teken til fange av keisaren sine soldatar i klosteret St. Pantaleon i Köln, og ført til Wien der han vart stilt for retten. Han vart redda av den pavelege apostoliske nuntiaturen i Köln, men vart halden i fengsel fram til freden i Nijmwegen (1679) vart underteikna.
Som løn for tenestene sine utpeikte Ludvig XIV han til biskop av Strasbourg og vart i 1686 av pave Innocens XI utpeikt til kardinal. I 1688 vart han vald til medhjelparen til erkebiskopen av Köln. Etter at Ludvig XIV tapte i niårskrigen mista derimot Vilhelm alle embeta sine og reiste attende til Frankrike. Han busette seg i St-Germain-des-Prés-klosteret nær Paris, der han døydde 10. april 1704.
Kjelder endre
- Denne artikkelen bygger på «William Egon of Fürstenberg» frå Wikipedia på engelsk, den 21. januar 2012.
- Wikipedia på engelsk oppgav desse kjeldene:
- Tekst frå Encyclopædia Britannica si 11. utgåve, eit leksikon som i dag er offentleg eigedom.