Yatta
Yatta eller Yattah (arabisk يطّا, hebraisk skrift יטא) er ein palestinsk by i Hebron guvernement på ei høgd, kring 8 km sør for byen Hebron på Vestbreidda.[1] I følgje Palestinsk statistisk sentralbyrå hadde han eit folketal på 48 672 i 2007.[2][3]
| Yatta | |||
| يطّا, Yattah | |||
| kommune | |||
 Moske i Yatta
| |||
| Land |  Dei palestinske territoria
| ||
|---|---|---|---|
| Guvernement | Hebron guvernement | ||
| Koordinatar | 31°26′52.00″N 35°05′24.00″E / 31.4477778°N 35.0900000°E | ||
| Areal | 133,0 km² | ||
| Folketal | 48 672 (2007) | ||
| Folketettleik | 366 / km² | ||
| Borgarmeister | Khalil Younis | ||
 Yatta i Hebron 31°26′52″N 35°05′24″E / 31.447777777778°N 35.09°E | |||
  Kart som viser Yatta.
| |||
| Wikimedia Commons: Yatta | |||
| Nettstad: www.yatta-munc.org | |||
Historie
endre
Yatta er identifisert med den bibelske byen Jutta.[4] Ein jødisk gravplass datert til 100-talet evt. vart funnen i byen i 1931.[5] Eusebius (300-talet) skreiv at Yatta var «ein svært stor, jødisk landsby, 18 mil sør for Beit Guvrin.»[5]
I 1596 hadde han eit folketal på 127 muslimske familiar, og betalte skatt for kveite, bygg, oliven, geiter og bikubar.[6] I 1931 var folketalet 4 034 muslimar.[7]
Survey of Western Palestine skildra landsbyen i 1870-åra som ein «stor landsby på ei høgd. Han er bygd av stein, men somme av innbyggjarane bur i telt. Vassforsyninga kjem frå cisterner. I sør ligg det graver hogde ut i berget, og vinpresser i stein finst over heile landsbyen. Området er særs steinete, sør for landsbyen ligg spreidde oliven, i vest, like nedanfor ei klippe, ligg ein liten olivenhage der leiren til kartleggingsgruppa slo leir i 1874. Sørvest for leiren står nokre fikentre. Landsbyen vert sagt å ha 17 000 sauer, i tillegg til geiter, kyr, kamelar, hestar og eslar. Sjeiken aleine har 250 sauer.»[8]
Minst sju palestinarar vart drepne i Yatta under den andre Intifada i 2002-2004.[9]
Kjelder
endre- Denne artikkelen bygger på «Yatta i Hebron» frå Wikipedia på engelsk, den 27. september 2015.
- Wikipedia på engelsk oppgav desse kjeldene:
- Stillman, Yedida Kalfon (1979), «Palestinian costume and jewelry», exhibition catalog of the Museum of International Folk Art (MOIFA) at Santa Fe (Albuquerque: University of New Mexico Press), ISBN 0-8263-0490-7
- ↑ Columbia Encyclopedia: Juttah
- ↑ 2007 PCBS Census Palestinsk statistisk sentralbyrå. s.118.
- ↑ «Palestina City Populations». MongaBay. Henta 5. september 2015.
- ↑ «Juttah», Encyclopedia of The Bible; «Kapittel 15», Josva, bibel.no
- ↑ 5,0 5,1 Ḥevrah la-haganat ha-ṭevaʻ (1990), Israel - land and nature, Society for the Protection of Nature i Israel, s. 83, henta 6. juni 2011
- ↑ *Hütteroth, Wolf-Dieter; Abdulfattah, Kamal (1977), Historical Geography of Palestine, Transjordan and South Syria in the Late 16th Century, Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft, s. 123
- ↑ Census of Palestine 1931. Population of Villages, Towns and Administrative Areas. Jerusalem, 1932, s. 34.
- ↑ The Survey of Western Palestine, Vol III, 1883, pp310 380.
- ↑ palestinarar killed by israelske security forces i Occupied Territories B'Tselem