Aslak Versto
Aslak Versto (20. desember 1924–25. november 1992) var ein norsk gardbrukar og politikar frå Vinje i Telemark. Han representerte Telemark og Arbeidarpartiet på Stortinget frå 1969 til -77. Versto var son til Olav Versto og far til journalistane Olav og Astrid Versto og forfattaren Stein Versto.
| Aslak Versto | |
| Statsborgarskap | Noreg |
| Fødd | 20. desember 1924 Vinje kommune |
| Død |
25. november 1992 (67 år) |
| Yrke | politikar |
| Språk | norsk |
| Politisk parti | Arbeidarpartiet |
| Far | Olav Aslakson Versto |
Aslak Versto gjekk skuleåret 1939/40 eittårig mellomskule og sidan handelsskule. Frå 1943 var han med i Milorg, samstundes var han òg i arbeid på heimegarden. Tildelt Deltakarmedaljen i 1945. Frå 1948 dreiv han eiga transportverksemd til 1958. Han dreiv sidan garden Tveito i Vinje til han døydde.
Perioden 1947–51 var Versto medlem i formannskapet i Vinje. Seinare var han ordførar i til saman 20 år, fyrst frå 1960 til -71 og sidan 1980-87. Hausten 1969 var han Arbeidarpartiet sin fyrstekandidat i Telemark og var dermed sikra plass på Stortinget 1969-73, attvald til valperioden 1973-77. Dei fire fyrste stortingssesjonane var han medlem i Industrikomiteen, dei fire siste i Kommunal- og miljøvernkomiteen.
Versto var i si tid formann i Telemark Mållag, medlem 1972-88 i Norsk språkråd og frå 1965 aktiv motstandar av USA si krigføring i Vietnam.