Ola Borten Moe
Ola Borten Moe (fødd 6. juni 1976 i Trondheim) er ein norsk gardbrukar og politikar og tidlegare nestleiar i Senterpartiet. Frå 14. oktober 2021 til 4. august 2023 var han forskings‑ og høgare utdanningsminister i Regjeringa Støre.[1]
| Ola Borten Moe | |||
 | |||
| Fødd | 6. juni 1976 (47 år) Trondheim | ||
|---|---|---|---|
| Statsborgar av | Noreg | ||
| Parti | Senterpartiet | ||
| Yrke | politikar, bonde, forretningsdrivande | ||
| Utdanna ved | Noregs teknisk-naturvitskaplege universitet | ||
| Ektefelle | Anna Ceselie Brustad Moe | ||
| Alle verv |
| ||
Moe er utdanna agronom og har statsvitskap og historie mellomfag frå NTNU.
Politisk karriere endre
Moe vart vald inn på Stortinget frå Sør-Trøndelag fylke i 2005, etter å ha vore vararepresentant i perioden 2001–2005. Han var lokalpolitikar i Trondheim og medlem av Trondheim bystyre frå 1995 til 2007, og kommunalråd i Trondheim 1993–1996. Han var nestleiar for Kyrkje- og kulturkomiteen i Trondheim 1995–1999, og leiar for Oppvekstutvalet 1999–2003.
Moe var medlem av Senterpartiets programkomite forut for stortingsvalet 2005, og har ei særleg interesse for distrikts- og næringspolitikk. Frå haustsesjonen 2007 overtok han leiinga av Stortingets næringskomité etter at partifellen Lars Peder Brekk vart parlamentarisk leiar og trådde til i Stortingets kontroll- og konstitusjonskomité. Den 4. mars 2011 tok han over som olje- og energiminister etter Terje Riis-Johansen.
Moe melde avgang som forskings- og høgare utdanningsminister den 21. juli 2023 etter alvorlege feil knytte til habilitet. Han trekte seg følgjeleg også som nestleiar i Senterpartiet.[2][3] Sandra Borch tok over som forskings- og høgare utdanningsminister etter Moe den 4. august 2023.
Stortingskomitear endre
- 2005–2007: medlem i energi- og miljøkomiteen
- 2005–2009: varamedlem i valkomiteen
- 2007–2009: leiar i næringskomiteen
- 2009–2011: medlem i kommunal- og forvaltingskomiteen
- 2009–2011: første nestleiar i kontroll- og konstitusjonskomiteen
Familie endre
Moe er barnebarn av tidlegare statsminister Per Borten.[4] Han er gift med tidlegare stortingsrepresentant Anna Ceselie Brustad, som han gifta seg med i 2008.[5]
Kjelder endre
- ↑ «Regjeringens medlemmer». Regjeringen.no. 14. oktober 2021. Arkivert frå originalen 15. oktober 2021. Henta 15. oktober 2021.
- ↑ Berit Helle Jonsbråten; Kjersti Gulbrandsen Lien; Helle Fjelldalen & Emma-Marie B. Whittaker. «Ola Borten Moe går av som statsråd». NRK. Henta 4. august 2023.
- ↑ Tord Magnus Dyrkorn mfl. «Ola Borten Moe (Sp) går av som statsråd og Sp-nestleder» (på norsk bokmål). Verdens Gang. Henta 4. august 2023.
- ↑ Løset, Kjetil (4. mars 2011). «Ola Borten Moe går i bestefars fotspor». TV 2 Nyhetene. Henta 11. mai 2013.
- ↑ Kasper Frøjd (10. april 2018). «Ola Borten Moe hardt ut mot Trine Skei Grande i sex-saken». TV2.
- Denne artikkelen bygger på «Ola Borten Moe» frå Wikipedia på bokmål, den 14. september 2010.
Bakgrunnsstoff endre
- adressa.no: Nytt trønderpar på Tinget Arkivert 2014-12-20 ved Wayback Machine.