Verma stasjon
Verma stasjon er ein jernbanestasjon utan passasjertrafikk på Raumabana i bygda Verma i Rauma kommune i Møre og Romsdal. Verma ligg om lag 35 kilometer aust for Åndalsnes.
Verma stasjon | |
Foto: Anders Beer Wilse (1924) | |
Stasjonsområde | |
---|---|
Stad | Verma |
Distanse | 418,09 |
Opna | 25. november 1923 |
Arkitekt | NSB Arkitektkontor ved Gudmund Hoel og Bjarne Friis Baastad |
Linjer og rutedrift | |
Overgang | |
Stasjonen opna i 1923 og var endestasjon i eitt år inntil Raumabana opna til Åndalsnes. Verma vart ubemanna i 1970, men stasjonen vert framleis bemanna viss det er behov for ekstra kryssingar. Stasjonen mista passasjertrafikken på 1990-talet.
Stasjonsbygninga endre
Stasjonsbygninga var teikna av Jernbanens arkitektkontor ved Gudmund Hoel og Bjarne Friis Baastad, og var av "Type for Raumabanen", den same bygningstypen som til dømes Bottheim, Lora og Lesjaskog.
Bygninga er reist i lafta tømmer og kledd med liggjande trepanel. Gavlane har ståande vekselpanel. Døra til venterommet og gavlvindauga er ramma inn med ormantikk i nyrokokko. Bygninga har skifertekt saltak. Ekspedisjonsrommet er bygd ut mot plattforma med plass for innvendig stillverk. Fyrste etasje hadde venterom, ekspedisjonslokalar og telegrafistrom, med godshuset i ei sidefløy. Andre etasje hadde ein bustad med inngang frå baksida og overnattingsrom for beteninga. Bygninga fekk vannklosett rundt 1960, og privétbygninga vart riven. I 1976 vart ein del av venterommet teken i bruk som kvilerom og garderobe for baneavdelinga.
Annan infrastruktur endre
På Verma var det óg ein provisorisk lokomotivstall (riven), svingskive, vedbu, privétbygning (riven), kvilerom og dresinbu (rivne i etappar frå 1990-talet til om lag 2010), samt Ormheim vaktarbustad. Ormheim var ei anleggsbrakke som vart flytta til staden, og hadde tidlegare vore ingeniørbolig og landhandel.
Kryssingssporet på Verma er 288 meter langt. Det fans spor til lokstallen og gjennomgåande rampespor til godsrampa. Rampesporet er forkorta og ikkje lenger gjennomgåande, men framleis i bruk i 2024.
Kulturminnet endre
Verma stasjon er i umiddelbar nærleik til landemerket Kylling bru.
I følge NSB si bygningsregistrering fra 1981 var stasjonsbygninga "i god stand" og med middels verneverdi. [1]
Den landsomfattande "Verneplan for jernbanebygninger" (1993) foreslo å verna Lesjaverk stasjon, men etter at NSB nekta vart Verma stasjon foreslege av Fylkeskonservatoren i Møre og Romsdal, noko som styringsgruppa tok inn i planen. Vernet vart vedteke av Riksantikvaren i 1997. Årsaka var at stasjonstypen representerar fleire stasjonar som er lokalt tilpassa Raumabana, nærleiken til Kylling bru og minnesteinane fra opninga utanfor stasjonsbygninga.[2]
Stasjonsmeistarar endre
- 1923–1924: Halvdan Odmund Lie
- 1924–1929: Peder Jørgensen
- 1929–1933: Engebret Skjæret
- 1933–1940: Einar Holland
- 1940–1949: Rolf Eliassen
- 1949–1951: Bjarne I. Andersen
- 1951–1956: Kristian A. Gulbrandsen
- 1956–1961: Gunnar E. Ødegård
- 1961–1963: Odd Erling Skjøsvoll
- 1963–1970: Hans E. Kolstad
Kjelder endre
Fotnotar endre
- ↑ NSB Arkitektkontoret (1988). Aasmund Dahl, red. Bygningsregistrering: Hamar distrikt: Raumabanen. s. 22–27.
- ↑ Noregs Statsbanar og Riksantikvaren (1993). Eivind Hartmann og Øistein Mangset, red. Verneplan for jernbanebygninger. Oppdatert 1993. s. 43.
Bibliografi endre
- Noregs Statsbanar (1957). Tjenesteskrifter utgitt av Norges Statsbaner, trykk 802a. Ekspedisjonssteder og sidespor ved NSB. Gjelder fra 1. juli 1957. (PDF). s. 13.
- Noregs Statsbanar (1958). Sluttrapport fra Raumabanen – jernbaneanlegget Dombås–Åndalsnes – Åpnet for trafikk 29.11.1924. s. 63-99.
- Noregs Statsbanar (1966). Trykk 802b. Holdeplasser ved NSB. Rettelsesblad nr. 6. Ajourført t.o.m. 30. april 1966. s. 10.
- Noregs Statsbanar (1980). Trykk 802. Ekspedisjonssteder og sidespor ved NSB. (PDF). s. 53.
- NSB Arkitektkontoret (1988). Aasmund Dahl, red. Bygningsregistrering: Hamar distrikt: Raumabanen. s. 74–87.
- Noregs Statsbanar og Riksantikvaren (1993). Eivind Hartmann/Øistein Mangset, red. Verneplan for jernbanebygninger. Oppdatert 1993. (PDF).
- Andreas Normann (1994). Raumabana. Rauma kulturstyre. ISBN 82-91317-01-1.
- Noregs Statsbanar (1994). Trykk 802. Ekspedisjonssteder og sidespor ved NSB. (PDF). s. 23.
- Noregs Statsbanar (1996). NSB Effekt 600. Forretningsplan Nye NSB Persontrafikk. s. 9.
- Norsk Reiseinformasjon (1997). Rutebok for Norge (PDF). s. 567.
- Noregs Statsbanar og Riksantikvaren (1997). Eivind Hartmann og Øistein Mangset, red. Verneplan for jernbanebygninger. Oppdatert mai 1997 (PDF). s. 29.
- Jernbaneverket (2004). Nasjonal verneplan for kulturminner i jernbanen. s. 56-57.
- Thor Bjerke og Finn Holom (2004). Banedata 2004. Norsk Jernbaneklubb og Norsk Jernbanemuseum. s. 96–97. ISBN 82-90286-28-7.
- Denne artikkelen bygger på «Verma stasjon» frå Wikipedia på bokmål, den 16. mai 2024.
Bakgrunnsstoff endre
- Verma stasjon med Kylling bru i bakgrunnen, foto ved Edvard Sæterbø, 1924, Norsk Jernbanemuseum.
- Bane NOR Network Statement 2024. Informasjon om stasjonen.