Lesjaskog stasjon
Lesjaskog stasjon var ein jernbanestasjon på Raumabana. Stasjonen opna i 1921, mista persontrafikken i 1988 og vart formelt nedlagd i 1990. Lesjaskog er ei grend i Lesja kommune, om lag 45 kilometer nordvest for Dombås.
| Lesjaskog stasjon | |
|
| |
| Stasjonsområde | |
|---|---|
| Stad | Lesjaskog i Lesja kommune |
| Distanse | 390,73 km frå Oslo sentralstasjon |
| Høgd | 615,3 moh. |
| Opna | 19. november 1921 |
| Nedlagd | 27. mai 1990 |
| Arkitekt | Gudmund Hoel og Bjarne Friis Baastad |
| Linjer og rutedrift | |
| Linje(r) | Raumabana |
| Overgang | |
 Lesjaskog stasjon | |
Lesjaskog var stasjon inntil Raumabana sto ferdig til Åndalsnes i 1924, men vart deretter degradert til stoppestad med billetsal og ekspedering av gods, men utan togkryssingar. Stasjonen vart ubemanna i 1964 og var eit ubetjent stoppested fram til 1983. Fram til nedlegginga var Lesjaskog ein haldeplass kor toget berre stansa hvis det var passasjerar.
Stasjonsbygninga endre
Lesjaskog hadde ei stasjonsbygning av "type for Raumabanen", teikna av Norges Statsbaners arkitektkontor ved Gudmund Hoel og Bjarne Friis Baastad. Bygninga var lik fleire andre stasjonar langs bana som til dømes Bottheim, Verma og Marstein. Stasjonen var reist i lafta tømmer og kledd med liggjande trepanel og ståande vekselpanel i gavlane. Venteromsdøra og gavlvindauga var ramma inn av ornamentikk i nyrokokko. Bygninga hadde saltak tekt med skifer.
Stasjonsbygninga hadde ekspedisjonslokalar og venterom i første etasje og bustad i andre etasje med inngang frå baksida. Foran ekspedisjonsrommet var det eit utbygg mot plattforma med plass for innvendig stillverk. Godshuset var i ei sidefløy til stasjonsbygningen, med port ut mot plattforma.
Stasjonen fekk innvendige klosett i 1960, men privétbygninga ble ikkje rive. På 1960-tallet vart ekspedisjonslokala tekne i bruk som postkontor (2668 Lesjaskog). Rundt 1980 vart det innreidd kvilerom for baneavdelinga i venterommet, medan passasjerane fekk eit nytt venterom i det tidlegare godshuset.
På stasjonsområdet fans óg ei privetbygning og eit vedskjul. NSB bygningsregistrering fann stasjonsbygninga av middels verneverdi og "i god stand".[1]
Grunna vegbygging vart bygningane på stasjonen rivne i 1989. Romsdalsvegen, Europaveg 136, går nå over storparten av det tidlegare stasjonsområdet.
Kjelder endre
Fotnotar endre
- ↑ Aasmund Dahl, red. (1988). NSBs bygningsregistrering: Hamar distrikt: Raumabanen. NSB Arkitektkontoret. s. 22–27.
Bibliografi endre
- Norges Statsbaner (1957). Tjenesteskrift utgitt av Norges Statsbaner, trykk 802a. Ekspedisjonssteder og sidespor ved NSB. (PDF). Hovedstyret. s. 13.
- Aasmund Dahl, red. (1988). NSBs bygningsregistrering: Hamar distrikt: Raumabanen. NSB Arkitektkontoret. s. 66–71.
- Andreas Normann (1994). Raumabana. Rauma kulturstyre. s. 142–143.
- Thor Bjerke og Finn Holom (2004). Banedata 2004. Norsk Jernbaneklubb/Norsk Jernbanemuseum. s. 96–97. ISBN 82-90286-28-7.
- Lesja kommune (2019). Tematisk kommuneplan for kulturminne i Lesja kommune. Lesja kommune. s. 20-28.
- Denne artikkelen bygger på «no:Lesjaskog stasjon» frå Wikipedia på bokmål, den 16. mai 2024.