Øystein Hedstrøm
Øystein Hedstrøm (fødd 7. august 1946) er ein politikar og tannlækjær frå Moss. Han representerte Østfold fylke og Framstegspartiet på Stortinget i perioden 1989-2005.
| Øystein Hedstrøm | |||
| Fødd | 7. august 1946 (78 år) Moss kommune | ||
|---|---|---|---|
| Statsborgar av | Noreg | ||
| Parti | Framstegspartiet (1973) | ||
| Yrke | politikar, tannlege | ||
| Utdanna ved | Göteborgs universitet | ||
| Medlem | Unge Høgre | ||
| Alle verv |
| ||
Hedstrøm vart utdanna tannlækjar i 1972, og arbeidde i den offentlege tannhelsetenesta i Rakkestad frå 1972 til -81. Sidan hadde han eigen prakis som tannlækjar.
Hedstrøm var medlem av Anders Langes Parti frå dette vart stifta i 1973. Han var aktiv lokalpolitikar i Rakkestad og sat nokre år i kommunestyret. Perioden 1987-91 var han medlem av fylkestinget i Østfold. Ved stortingsvalet 1989 vart han innvald på Stortinget for Framstegspartiet i Østfold, og vart seinare attvald tre gongar. Han var medlem av energi- og industrikomiteen i sin fyrste stortingsperiode. Sidan 1993 var han med i næringskomiteen, frå 1997 til 2005 som nestleiar.
Gjennom 1990-åra vart Hedstrøm kjend som ein kvass kritikar av den dåverande immigrasjonspolitikken, og hevda synspunkt som både møtte mykje motbør og fekk støtte. I 1995 vart han fjerna frå posisjonen som partiet sin talsmann i innvandrarspørsmål, etter å ha delteke på eit hemmeleg møte i Oslo. Leiinga i Framstegspartiet såg seg då ikkje tent med å la Hedstrøm ha denne posisjonen, då det mellom anna kom fram at høgreekstreme grupper stod bak møtet.
Kjelder
endre- Denne artikkelen bygger på «Øystein Hedstrøm» frå Wikipedia på engelsk, den 28. juni 2013.