Øystein Rudi

Øystein Ovrum Rudi (f. 1969 ) er ein norsk spelemann frå Sør-Fron i Gudbrandsdalen.

Øystein Rudi
Fødd	24. oktober 1969 (55 år)
Opphav	Noreg
Verka som	musikar
Prisar	Storegutprisen

Biografi

Han starta å spele fele i Sør-Fron Spellemannslag i 1977. Dette skjedde først saman med Anton Amundgard og Arne Vangen. I 1981 vart Øystein med i Karlsrud og Nermoens Gåmmåldansorkester. Etter at gruppa vann Titanofestivalen i 1984 spela det omkring i heile Noreg. Med Nye Ringnesin fortsette Rudi med dansespeling frå 1986 og utover 1990-talet. Denne gruppa utvikla også etterkvart eit konsertrepertoar, og fekk dermed breiare oppdrag. Frå 1997 har gruppa KVARTS vore Rudi sitt musikalske hovedanker. Med denne gruppa har han hatt konsert, undervisning og dansemusikk som tema. Gruppa har gjeve ut tre CDar, der den første fekk Spellemannsprisen, og den andre vart nominert. Gruppa har hatt mange oppdrag i Noreg og i utlandet, og har brukt folkemusikken på mange scener der denne sjeldan er presentert. KVARTS har også lagd fleire bestillingsverk, og gruppa har Norsk kulturråds ensemblestøtte.

Øystein har vunne landskappleiken to gonger og har tre spellemannsprisar i klassa for folkemusikk. Ole Bull-akademiet har vore fast oppdragsgjevar i fleire år, og Øystein har der undervisning om feletradisjonen i Gudbrandsdalen. I 2009 vann han Storegutprisen saman med kona Nina for å ha vore vertskap på Rudi Gard i Gudbrandsdalen.

Diskografi

Tittel	Musikarar	Utgjevingsår
Steinsprang	KVARTS	2006
Skal – skal ikkje	KVARTS	2004
Milstein	Sør-Fron Spelemannslag	2002
Filigran	KVARTS	2001
Lie-Rudi-Rustad-Styve	KVARTS	1999
Leik	Nye Ringnesin	1999
Frå vals til vise	Nye Ringnesin	1995
Fjelljenta	Nye Ringnesin	1991
Den lykkelige frier	Sør-Fron spelemannslag	1991
Takk for i sommer	Karsrud og Nermoens gåmmåldansorkester	1986
Dans i Krogenæsstuggun	Karlsrud og Nermoens gåmmåldansorkester	1983

Bakgrunnsstoff

• Heimesida til KVARTS