Þórarinn B. Þorláksson

Þórarinn Benedikt Þorláksson (14. februar 1867–10. juli 1924) var ein islandsk målar, den fyrste islendingen som studerte målarkunst i utlandet. Han var også den fyrste målaren som fekk offentleg stønad. Ved sidan av Ásgrímur Jónsson, Jóhannes Kjarval og Jón Stefánsson vert han rekna som pionerane i islandsk målarkunst. Þórarinn måla i hovudsak landskapsbilete.

Þórarinn B. Þorláksson
Statsborgarskap	Island
Fødd	14. februar 1867 Undirfell
Død	10. juli 1924 (57 år) Laugardalur
Yrke	kunstmålar
Þórarinn B. Þorláksson på Commons

Tingvellir, 1900

Foss, 1909

Þórarinn var nest eldst i ein syskenflokk på 14. Faren, som var prest i Undirfelli í Vatnsdal, døydde då Þórarinn var fem år gammal. Þórarinn lærde å binde bøker og leia ei tid arbeidet på ein verkstad som dreiv med bokbinding. År 1900 fekk han stønad frå Alltinget for å studere kunst i Danmark. Våren 1905 vart han den fyrste islendingen som vart uteksaminert frå kunstakademiet i København. Då han kom tilbake til heimlandet reiste han rundt på Island og måla ulike landskapsmotiv. Seinare stilte han ut verka síne i Glasgow, den fyrste eigenlege måleriutsillinga av ein islandsk kunstnar.

Frå 1916 til -22 var Þórarinn styrar for den nyskipa tekniske skulen i Reykjavik, der han underviste i teikning. Samstundes dreiv han ein bokhandel og gav ut ei avis.

Þórarinn døydde av eit hjarteåtak på sommarbustaden sín ved Laugarvatn.

Kjelder

• Denne artikkelen bygger på «Þórarinn B. Þorláksson» frå Wikipedia på engelsk, den 22. juni 2014.