Černé jezero

innsjø i Tsjekkia

Černé jezero (tyder Svart innsjø) er den største og djupaste naturlege innsjøen i Böhmerwald og Tsjekkia.

Černé jezero
innsjø
Land  Tsjekkia
Utløp Černý potok
Nedslagsfelt 1,28 km²
Høgd over havet 1008 moh.
Lengd ~530 km
Breidd ~350 km
Areal 0,184 km²
Middeldjupn 15 m
Største djupn 40 m
Volum 2 878 000 m³
Kystlengd1 ~1,3 km
Koordinatar 49°10′45″N 13°10′57″E / 49.17917°N 13.18250°E / 49.17917; 13.18250
Kart
Černé jezero
49°10′45″N 13°10′57″E / 49.179166666667°N 13.1825°E / 49.179166666667; 13.1825
Wikimedia Commons: Černé jezero
1 Kystlengd er eit unøyaktig mål som kanskje ikkje er standardisert for denne artikkelen.

Den trekanta innsjøen er omringa av granskog, og ligg om lag 6 km nordvest for Železná Ruda, 300 meter nedanfor fjelltoppen Jezerní hora (1 343 m). Innsjøen vart danna under Weichsel-istida (den siste istida). Vatnet i innsjøen er næringsfattig. Elva Černý potok har sitt utspring i innsjøen, ei av sideelvane til Úhlava. Det store vasskiljet i Europa går i fjellet like ovanfor innsjøen. På grunn av dette høyrer Černé jezero til nedslagsfeltet til elva Elbe (og Nordsjøen), medan Čertovo jezero berre 2 km unna renn ut i Donau (og Svartehavet).

Det eldste pumpekraftverket i Tsjekkia (bygd 1929-1930) ligg her, og innsjøen fungerer som det øvre reservoaret for kraftverket.

Sidan innsjøen ligg svært nær den tyske grensa (om lag 1 km), var innsjøen stort sett utilgjengeleg under Jernteppet. Dette vart utnytta av spionasje- og kontraspionasjetenesta til kommunistane i Operasjon Neptun i 1964, då StB frå Tsjekkoslovakia i samarbeid med sovjetiske KGB i skjul dumpa kassar med gamle Reichssicherheitshauptamt-dokument i innsjøen, og «tilfeldigvis oppdaga» dei. Dette var for å presse Vest-Tyskland til å oppgje namn på spionar som opererte i Aust-Europa under Nazi-regime, og som Vest-Tyskland no hadde «arva».