Adolf Lindvik
Adolf Fridtjof Lindvik (10. juni 1886–22. mai 1946) var ein norsk rettslærd, professor ved Universitetet i Oslo frå 1926.
| Adolf Lindvik | |
| Statsborgarskap | Noreg |
| Fødd | 10. juni 1886 |
| Død | |
| Yrke | jurist |
Lindvik var son til ein landhandlar i Saugesund i dåverande Dypvåg herad, no Tvedestrand kommune. Han tok examen artium ved latinlinja på Ragna Nielsens skole Kristiania i 1909 og vart cand.jur. frå universitetet i 1917. I tida 1919-21 studerte han rettsvitskap i Paris og Leipzig, og tok den juridiske doktorgraden i 1924 med ein avhandling om «Prætors rettsskapende virksomhet». Han var den fyrste norske juristen som tok doktorgraden på eit emne frå romarretten.
I 1926 vart Lindvik utnemnd til professor i rettsvitskap på Universitetet i Oslo, med romarrett som spesialfelt. Fagområdet hans vart seinare utvida til rettshistoria gjennom antikken.
I 1942 sat Lindvik fengsla i fangeleiren Grini frå 14. april til 18. august. Han omkom då eit rutefly på veg til Helsinki styrta ved Snarøya i Bærum den 22. mai 1946.
Kjelder endre
- Norsk Allkunnebok. VIII. bandet. 1957