Afarregionen

Afar er ein av dei ni delstatane (kililoch) i Etiopia. Han var tidlegare kjend som Region 2. Delstatshovudstaden er Semera, som avløyste den tidlegare hovudstaden Asayita.

Afar
አፋር
delstat
Flagg Symbol
Land	Etiopia
Hovudstad	Semera
Areal	72 053,0 km²
Folketal	1 483 900 (2005)
Afarregionen 11.816666666667°N 41.416666666667°E / 11.816666666667; 41.416666666667
Kart over Etiopia med Afarregionen avmerkt. Kart over Etiopia med Afarregionen avmerkt.
Wikimedia Commons: Afar Region

Folkesetnad

Ifølgje tal frå Central Statistical Agency i Etiopia har Afar eit estimert folketal på 1 389 004 (2005), 90,9 % av dei busette på landsbygda.

Afar er det viktigaste språket i regionen og blir tala av 90,8 % av innbyggjarane. Andre store språk er amharisk (6,68 %), tigrinja (0,74 %), oromo (0,68 %), argobba (0,4 %) og wolaitigna (0,26 %).

Geografi

I regionen finn ein Afarsenkingam, eit lågtliggande, varmt og tørt område danna som eit møtepunkt mellom tre jordskorpeplater. Det var i Hadar]i Afarsenkinga at ein fann «Lucy»-skjelettet, eit over tre millionar gammalt skjelett av ei Australopithecus afarensis-kvinne, det eldste og mest fullstendige skjelettet som er funne av tidlege menneske i Afrika. I regionen er det funne fleire andre skjelettdelar av ulike mennesketypar, og tidlege steinverktøy.

Administrative distrikt

Som dei andre regionane i Etiopia er Afar delt inn i mindre administrasjonsområde. Desse har ikkje namn, men blir kalla administrasjonssone 1-5. I tillegg har området ein argobba-woreda.

Kjelder

• Denne artikkelen bygger på «Afar Region» frå Wikipedia på engelsk, den 15. april 2012.

Bakgrunnsstoff

Commons har multimedium som gjeld: Afarregionen