Ajon

Ajon er ei øy like utanfor kysten av Tsjukotka i Aust-Sibir-havet i Russland. Øya er 63 km lang og 38 km brei. Ho er generelt låg og flat med mange innsjøar og myrområde.

Ajon
øy
Land	Russland
Areal	2 000 km²
Folketal	440
Ajon 69.79°N 168.65083333333°E / 69.79; 168.65083333333
Wikimedia Commons: Ayon Island

Øya er hovudsakleg folkesett av tsjuktsjarar. Det er to små busetnader her, Elvunej og Ajon nordvest på øya. Ajon er kalla opp etter ein familie som seinare flytta til Amerika.

Mellom Ajon og fastlandet ligg Malij Tsjaunskij-sundet, eit grunt sund som er 2 km breitt på det smalaste. Bukta som ligg sør og aust for øya heiter Tsjaunskaja guba.

Administrativt høyrer Ajon til Tsjukotka autonome okrug.

Nærliggande øyar

• Ryjanranot (Ostrov Ryjanranot) 69.992°N 168.608°E / 69.992; 168.608 er ei 8 km lang og 1,5 km brei øy som ligg nord for Ajon. Mellom dei ligg eit 1,2 km breitt sund.
• Tsjengkuul (Ostrov Tsjengkuul) 69.930°N 169.226°E / 69.930; 169.226 er 10,5 km lang og 1,7 på det breiaste. Ho ligg nordaust for Ajon og avstanden mellom dei er 5 km. Den vestlege delen av øya vert kalla Janratsjenkool.
• Mosej (Ostrov Mosej) 69.648°N 169.234°E / 69.648; 169.234 er ei lita øy mellom sørkysten av Ajon og fastlandet. Ho er 3 km lang.

Sjå òg

• Øyar i Russland

Kjelder

• Denne artikkelen bygger på «Ayon Island» frå Wikipedia på engelsk, den 14. juli 2008.
  • Wikipedia på engelsk oppgav desse kjeldene:
• Tsjenkuul