Albert Gleizes
Albert Gleizes (8. desember 1881–23. juni 1953) var ein fransk målar, forfattar og kunstteoretikar, fødd i Paris. Han vert rekna som ein føregangsmann for kubismen. Gleizes var systerson til målaren Léon Comerre.
| Albert Gleizes | |
 | |
| Statsborgarskap | Frankrike |
| Fødd | 8. desember 1881 Paris |
| Død |
23. juni 1953 (71 år) |
| Yrke | kunstmålar, grafikar, illustratør, filosof, skribent, teiknar, grafikar, kunstteoretiker, kunstkritikar |
| Sjanger | portrettmåleri, landskapsmåleri |
| Medlem av | Abbaye de Créteil |
| Ektefelle | Juliette Roche |
| Albert Gleizes på Commons | |
Liv og gjerning
endreGleizes var utdanna til teknisk teiknar. Etter fire år i den franske hæren byrja han i 1905 å livnære seg som målar. Han var stor sett sjølvlærd, var sterkast inspirert av kubisten Henri Le Fauconnier.
I 1911 fekk han stilt ut eigne verk på kunstutstillinga Salon d'Automne, same året var han med på å danne kunstnargruppa Section d'Or. For å fremje interessa for både sine eigne måleri og verka til dei andre i gruppa, skreiv han fleire bøker om kunst og kunsthistorie. Saman med Jean Metzinger forfatta han avhandlinga Du Cubisme i 1912 og nytta såleis, for fyrste gong, det verdifrie omgrepet «kubisme». Åra 1915-1919 budde han i New York, der han aktivt spreidde kunnskap om moderne, europeisk kunst.
Då Gleizes kom tilbake til Europa hadde kunstmiljøa i Frankrike endra seg. Nye stilretningar og kunstteoriar var i framvekst. Også Gleizes utvikla sine verk, men heldt i stort fast ved ei kubistisk grunnform. Han flytta frå Paris i 1926, likevel deltok han gjennom åra i kunstverda som ein aktiv skribent og målar. I 1927 grunnla han ei foreining som skulle styrke kunsthandverket, og i 1931 lét han seg engasjere av kunstrørsla Abstraction-Création. På verdsutstillinga 1937 i Paris fekk han stilt ut akvarellar.
Han døydde i Avignon sommaren 1953.
Kjelder
endre- Denne artikkelen bygger på «Albert Gleizes» frå Wikipedia på tysk, den 8. oktober 2013.
- Denne artikkelen bygger på «Albert Gleizes» frå Wikipedia på nederlandsk, den 8. oktober 2013.