Jean Metzinger
Jean Metzinger (25. juni 1883–3. november 1956) var ein fransk målar. Stilen hans utvikla seg frå neoimpresjonisme via fauvisme til analytisk kubisme.
| Jean Metzinger | |
 | |
| Statsborgarskap | Frankrike |
| Fødd | 24. juni 1883 Nantes |
| Død |
3. november 1956, 1. november 1956 (73 år) |
| Yrke | kunstmålar, lyrikar, illustratør, kunstteoretiker, biletkunstnar, kunstkritikar, skribent, grafikar |
| Språk | fransk |
| Sjanger | Neoimpresjonisme, portrett, figurativ kunst, stilleben, dyrekunst, figure, sjangerkunst, landskapsmåleri |
| Jean Metzinger på Commons | |
Liv og gjerning endre
Etter fullført studenteksamen i heimbyen Nantes, reiste Metzinger tjue år gammal til Paris for å studere medisin. Etter eit tid avslutta han medisinstudiet, satsa i staden på å verte kunstmålar. Han vart kjend med målaren Robert Delaunay og diktaren Max Jacob og kom slik inn i krinsen rundt Guillaume Apollinaire. Sidan møtte han målarane i Bateau Lavoir, mellom anna med Georges Braque, Pablo Picasso og Juan Gris.
Metzinger gjorde seg etterkvart tankar om biletet som medium, og gav i 1910 ut skriftet Merknader om måleriet. Same året stilte han ut av sine verk i Salon des Indépendants, der han året etter stilte ut i lag med Delaunay, Albert Gleizes og Fernand Léger.
Ideane sine vidareutvikla Metzinger saman med Albert Gleizes, og i 1912 kom avhandlinga Du Cubisme. Boka vakte stor merksemd. På same tid var med å stifte Section d'Or, også kjent som 'Puteauxgruppa'. Han deltok på talrike utstillingar, slik som på Salon d'Automne i 1911 og 1913, Galerie de la Boétie i Paris 1912, Der Sturm i Berlin i 1913, Berthe Weil i Paris 1913 og Montross Gallery i New York i 1916.
Han deltok i krigsteneste under første verdskrigen. Etterpå flytta han tilbake til Paris, der han stort sett budde resten av livet. Unnataket var ein periode i Bandol under andre verdskrigen. Han døydde i Paris, 75 år gammal.
Stilutvikling endre
Metzinger var først oppteken av den neoimpresjonistiske målestilen, og laga mellom 1905 og -08 mosaikkliknande fargemønster. Desse var hans første kunstnariske høgdepunkt, og danna ein overgang til dei seinare kubistiske bileta. Verka syner stor sans for klar orden i bileta, noko som går fram av korleis han konstruerte bileta sine.
Etterkvart vart bileta meir geometriserte og avdekker kontakten til Braque, Picasso og Gris. Allereie i arbeida frå året 1910 finn ein trekk som fører mot den analytiske kubismen. Frå 1920-åra og framover fjerna han seg noko frå kubismen.
Som representant for ein «degenerert målestil» vart han erklært entartet av naziregimet i Tyskland i 1937.
Kjelder endre
- Denne artikkelen bygger på «Jean Metzinger» frå Wikipedia på bokmål, den 9. januar 2011.