Albert II av Belgia
Kong Albert II av Belgia (fødd 6. juni 1934 i Brussel) var konge av Belgia frå 1993 til han abdiserte i 2013. Han er den yngre sonen av kong Leopold III (1901-1983) og den fyrste kona hans Prinsesse Astrid av Sverige (1905-1935). Han høyrer til det tyske fyrstehuset Sachsen-Coburg-Gotha. 21. juli 2013 abdiserte han til fordel for sonen hertug Philippe av Brabant. Etter abdikasjonen vil han framleis ha tittelen konge av Belgia.[1]
| Albert II | |||
 | |||
| Fødd | 6. juni 1934 Brussel i Belgia | ||
|---|---|---|---|
| Tittel | Konge av Belgia | ||
| Regjeringstid | 9. august 1993–21. juli 2013 | ||
| Føregangar | Baudouin | ||
| Etterfylgjar | Philippe | ||
| Alle titlar | Prins av Liège (1934-1959) Konge av Belgia | ||
| Fullt namn | Albert Félix Humbert Théodore Christian Eugène Marie | ||
| Land | Belgia | ||
| Mor | Astrid | ||
| Far | Leopold III | ||
| Ektefelle | Paola Ruffo di Calabria | ||
| Sambuar | Sybille de Selys Longchamps | ||
| Barn | Filip van België, Astrid av Belgia, Laurent van België, Delphine Boël | ||
Han etterfylgde den eldre bror sin, Baudouin, som belgisk konge. Før kroninga var han kjend som prins av Liège.
Han gifta seg 2. juli 1959 med Paola Ruffo di Calabria, dronning Paola.
Han og dronning Paola har tre barn:
- Philippe Leopold Louis Marie hertug av Brabant (fødd 15. april 1960). Han gifta seg med Jonkvrouwe Mathilde d'Udekem d'Acoz. Dei har to born, prinsesse Elisabeth (som takka vere endringa av tronfylgjelova arvar trona etter han) og prins Gabriel Baudouin Charles Marie.
- Astrid Josephine Charlotte Fabrizia Elisabeth Paola Marie (fødd 5. juni 1962). Ho er kona til erkehertug Lorenz av Austria-Este.
- Laurent Benoït Baudouin Marie (fødd 19. oktober 1963). Han er gift med Claire Coombs, ein britisk-belgisk eigedomsmeklar.
Kong Albert har òg ei dotter utanfor ekteskap, Delphine Boel (fødd 1968), etter eit forhold med baronesse Sybille de Sélys Longchamps.
Mellom ordenane hans finst òg Storkrossen med kjede av St. Olavs Orden.
Titlar, tiltaleformer, dekorasjonar og våpenskjold
endreTitlar og tiltaleformer
endre- 6. juni 1934–7. juni 1934: Prins Albert av Belgia
- 7. juni 1934–9. august 1993: Prins Albert av Liège
- 9. august 1993–21. juli 2013: Kong Albert II av Belgia
- 21. juli 2013–i dag: Kong Albert II av Belgia
Galleri
endre- Albert II av Belgia
-
Monogrammet til kong Albert II -
Fellesmonogram til kong Albert II og dronning Paola -
Namnetrekket til kong Albert II
Kjelder
endre- ↑ Åse Marit Befring og Marit Kolberg (21. juli 2013). «Nå har de snart tre dronninger og to konger» (på norsk). Norsk rikskringkasting. Henta 21. juli 2013.