Albina Grčić
Albina Grčić (fødd 6. februar 1999 i Split) er ein kroatisk songar. Ho starta songkarrieren sin etter å ha kome på tredjeplass i den tredje sesongen av The Voice Hrvatska. Grčić representerte Kroatia i Eurovision Song Contest 2021 med songen «Tick-Tock».
| Albina Grčić | |||
| Fødd | 6. februar 1999 (25 år) | ||
|---|---|---|---|
| Fødestad | Split | ||
| Opphav | Kroatia | ||
| Aktiv | 2019– | ||
| Sjanger | pop | ||
| Plateselskap | Universal Music Group | ||
| Verka som | songar | ||
Bakgrunn
endreGrčić byrja med musikk i ung alder og tok pianoundervising ved ein lokal musikkskole i seks år. Som åtteåring vart ho del av «Musikktalenta», eit lokalt musikkprosjekt for barn, ungdom og vaksne.[1][2]
Grčić vart nasjonalt kjend i Kroatia då ho i desember 2019 deltok i den tredje sesongen av The Voice Hrvatska. Ho enda til slutt på tredjeplass i tevlinga, bak vinnaren Vinko Ćemeraš og sølvvinnaren Filip Rudan. Like etter fekk ho platekontrakt med Universal Music Croatia, og 16. oktober 2020 slapp ho debutsingelen «Imuna na strah» (immun mot frykt).[3]
I desember 2020 vart Grčić presentert som ein av 14 deltakarar til musikktevlinga Dora 2021, der vinnaren fekk representere Kroatia i Eurovision Song Contest 2021. I tevlinga 13. februar 2021 opptredde ho med songen «Tick-Tock», skriven av Branimir Mihaljević, Max Cinnamon og Tihana Buklijaš Bakić. I Dora 2021 vann Grčić både jury- og telefonavrøystinga med 198 poeng, og dimed fekk Grčić representere Kroatia i Eurovision Song Contest 2021 i Rotterdam i Nederland.[4] Grčić deltok i den fyrste semifinalen i Rotterdam Ahoy tysdag 18. mai, der ho enda på ellevteplass. Sidan ho ikkje hamna blant dei ti beste, kvalifiserte ho seg ikkje til finalen.[5][6]
Diskografi
endreSinglar
endre- «Imuna na strah» (2020)
- «Tick-Tock» (2021)
Referansar
endre- ↑ radiotelevizija, Hrvatska. «The Voice - Natjecatelj Albina Grčić» (på kroatisk). Henta 14. februar 2021.
- ↑ «Tko je Albina Grčić, pobjednica ovogodišnje Dore» (på kroatisk). Henta 14. februar 2021.
- ↑ «Albina Grčić to Represent Croatia at Eurovision Song Contest in Rotterdam» (på engelsk). Henta 14. februar 2021.
- ↑ «Albina clocks up a win in Croatia with Tick-Tock» (på engelsk). 13. februar 2021. Henta 14. februar 2021.
- ↑ «Croatia misses out on Eurovision Grand Final after semi-finals | Croatia Week» (på engelsk). 18. mai 2021. Henta 21. mai 2021.
- ↑ «Albina - Croatia - Rotterdam 2021» (på engelsk). Henta 5. september 2021.
- Denne artikkelen bygger på «Albina Grčić» frå Wikipedia på bokmål, den 19. november 2021.