Aleksandr Litovtsjenko

Aleksandr Dmitrijevitsj Litovtsjenko (26. mars 1835–28. juni 1890) var ein ukrainskfødd russisk målar som spesialiserte seg i å skildre det moskovittiske Russland av det 16. og 17. hundreåret. Han var fødd i Kremensjuk og døydde i St. Petersburg.

Aleksandr Litovtsjenko
Verkeleg namn	Александр Дмитриевич Литовченко
Statsborgarskap	Det russiske imperiet
Fødd	14. mars 1835 Krementsjuk
Død	16. juni 1890 (55 år) St. Petersburg
Yrke	kunstmålar
Sjanger	historiemåleri
Aleksandr Litovtsjenko på Commons

Liv og gjerning

Ivan den skrekkelege viser skattane sine til Jerome Horsey, 1875

Litovtsjenko studerte ved St. Petersburgs kunstakademi. Trass i at han vart kritisert av sine medstudentar for heller oppstylta komposisjonar, vart han tildelt ei mindre gullmedalje for si framstilling av Karon som ror sjelene etter dei døde over Styx. Saman med fleire andre yngre målarar utfordra han akademismen som var rådande ved kunstakademiet. I 1863 forlet han dette for å drive som målar. Han gjekk med i Peredvizjnikij-rørsla i 1876.

I 1868 vart Litovtsjenko godkjend som akademi-målar for eit bilete av ein falkoner som var tilsett ved hoffet til tsar Aleksej. Mellom dei større verka hans, vart Ivan den skrekkelege viser sine skattar til Jerome Horsey (1875) erverva av tsaren til Russlands Museum i St. Petersburg. Tsar Aleksej og erkebiskop Nikon ærar dei jordiske leivningane av patriarken Filip (1886) vart kjøpt av Pavel Tretjakov til Tretjakovgalleriet i Moskva, til liks med dei beste portretta Litovsjenko hadde måla.

Litovtsjenko vert også hugsa som opphavsmann til sju veggmåleri i Frelsaren Kristus-katedralen i Moskva, og for ein serie ikonar til minnesmerket over Krimkrigen i Sevastopol.

Kjelder

• Denne artikkelen bygger på «Alexander Litovchenko» frå Wikipedia på engelsk, den 8. mars 2010.