Aleksandr Tkatsjov

Aleksandr Vasiljevitsj Tkatsjov (fødd 4. november 1957) er ein tidlegare turnar frå Semiluki som representerte Sovjetunionen. Han vart olympisk meister 1980 i skranke og i lagkamp, elles vann han tre VM-gull og fire EM-gull i perioden 1977-81. I 1977 viste han som den fyrste eit element i svingstang som seinare vert kalla Tkatsjov-overhopp, eit imponerande element som fleire utøvarar sidan har teke etter.

Aleksandr Tkatsjov
Statsborgarskap	Russland
Fødd	4. november 1957 (66 år) Semiluki
Idrett	turn
Tok del i	gymnastics at the 1980 Summer Olympics – men's parallel bars, gymnastics at the 1980 Summer Olympics – men's rings

Tkatsjov vann gullmedaljen i frittståande ved europameisterskapen 1977 i Vilnius, der han òg fekk med seg tre sølvmedaljar. Året etter fekk han ein sølvmedalje i lagkampen med det sovjetiske mannskapet ved Turn-VM 1978. I 1979 tok han gull og sølv ved EM i Essen. Ut på hausten drog han frå Turn-VM 1979 i Fort Worth med seks medaljar; gull i lagkamp, to sølv- og tre bronsemedaljar. Under dei olympiske sommarleikane i Moskva vann han gull i lagkamp og i skranke-øvinga, i ringar fekk han sølv. Året 1981 vart han fyrst europameister i mangekamp og svingstang i Roma, der han i tillegg vann han ein sølv- og tre bronsemedaljar. Sidan i Turn-VM 1981 vann han gull i mangekamp og i skranke.

Kjelder

• Denne artikkelen bygger på «Alexander Wassiljewitsch Tkatschow» frå Wikipedia på tysk, den 26. mars 2024.
• «Aleksandr Tkachov» (på engelsk). Olympedia.org. Henta 19. april 2024.