Alex Brinchmann

Alexander Brinchmann (15. juni 1888–18. april 1978) var ein norsk forfattar og barnelækjar frå Oslo.

Alex Brinchmann
Pseudonym	Roy Roberts
Statsborgarskap	Noreg
Fødd	15. juni 1888 Christiania
Død	18. april 1978 (89 år)
Yrke	skribent, lege, barnelege
Medlem av	Norsk Kvinnesaksforening
Born	Arild Brinchmann, Helen Brinchmann

Biografi

Alex Brinchmann blei cand. med i 1912, og studerte barnesjukdommar ved Charité-sjukehuset i Berlin i 1913-1914. I 1921 vart han godkjend som spesialist i barnesjukdommar, og i 1922 vart han dr. med. Brinchmann gav ut ei rekkje vitskaplege artiklar innan pediatri, m.a. om nedkjemping av tuberkulose hjå born. I 1933 - 1934 var han formann i Norsk Pediatrisk Selskap, den noverande Norsk barnelegeforening. I tillegg til å jobba på Rikshospitalet ei tid, dreiv han privat lækjarpraksis i Oslo frå 1914 - 1972.

I 1927 debuterte han som skjønnlitterær forfattar under pseudonymet Roy Roberts. Dette pseudonymet nytta han i ei rekkje populære kriminalromanar han gav ut fram til 1971. Mann i gul frakk (1946) vert av mange halden for å vera den beste kriminalromanen hans.

Brinchmann gav også ut romanar under sitt eige namn, samt fleire skodespel. I hans komedie Karusell frå 1940 er det ein replikk som har gått inn i det norske språket som eit eige uttrykk, nemleg: «Piller og piller, fru Blom!» Piller vert i uttrykket bytt ut med det som passar for høvet.

Brinchmann fekk Kongens fortenestmedalje i gull i 1952. Han vart far til skodespelaren Helen Brinchmann og regissøren Arild Brinchmann.

Bøker

Kriminalromanar av Roy Roberts

• 1927 – Bengt Bondes hemmelighet
• 1927 – Mysteriet Steegener
• 1928 – Hevneren
• 1929 – Krebseklubben
• 1930 – Det levende portrett
• 1946 – Mann i gul frakk
• 1947 – Skudd i ruten
• 1955 – Elevatorsjakten
• 1971 – Kiosken ved Grand

Andre romanar

• 1931 – Deilig er jorden
• 1933 – Dissonanser
• 1936 – Så møtes vi imorgen
• 1937 – Den rike mann
• 1937 – Mannen som kom tilbake
• 1939 – Veien frem

Dramatikk

• 1937 – På fruktene skal de kjennes
• 1940 – Karusellen - Komedie i 4 akter.
• 1945 – Lykkelige ungdom - Skodespel i fire akter.
• 1948 – Løgnen og lykken - To skodespel.
• 1950 – Uten nåde - Høyrespel i 1 akt.
• 1951 – De som meget har elsket - Høyrespel i 1 akt.
• 1951 – Sørensen - Høyrespel i 1 akt.
• 195X – Kontorprinsessen - Komedie i tre akter.
• 1952 – Den som elsker sin far- - Skodespel i 3 akter.
• 1954 – Lykkelige ungdom - Skodespel i tre akter.
• 1955 – Gapestokken - Høyrespel.
• 1955 – På fastende hjerte
• 1957 – Grønn sofa - Radiohumoreske.
• 1960 – 12-klubben - Høyrespel.
• 1971 – Drømmen - Radioskodespel.

Medisinsk faglitteratur

• 1921 – Om katalasereaktionen i fæces hos barn og dens betydning for diagnosen av barnets tarmsygdomme – Kristiania – Rikshospitalets barneavdeling.
• 1925 – Om spædbarnstuberkulosens symptomoøogi og prognose – 4. Nordiske tuberkuloselægemøde.
• 1929 – Barnets første år – Oslo – Gyldendal.
• 1930 – Rapport sur les 8 premières années d'activité (1922-1930) de la Crèche de Aakebergveien à Oslo – Oslo.
• 1937 – Normale barn fra sunde hjem – Norsk rikskringkasting - serieforedrag ; 15.

Anna

• 1968 – Norske forfattere i krig og fred. Den norske forfatterforening – Utgjeven til 75-års jubileet til Forfatterforeningen 15. november 1968. Skriven saman med Sigurd Evensmo.
• 1972 – Veien hjem : Fra hverdagslivets mentalhygiene.

Kjelder

• Alex Brinchmann henta frå Bokmålswikipedia 2. juli 2005 og 29. november 2011.
• SAMBOK: søk på Brinchmann, Alex
• Krigsleksikon hjå NorgesLexi Arkivert 2005-08-29 ved Wayback Machine.
• Språkrådet om fru Blom!

Bakgrunnsstoff

• Hvem er fru Blom? ved Svanesang (Per-Erik Skramstads blogg)