Amaldus Nielsen

Amaldus Clarin Nielsen (23. mai 1838–10. desember 1932) var ein norsk kunstmålar.

Amaldus Nielsen
Statsborgarskap	Noreg
Fødd	23. mai 1838 Mandal kommune, Halse
Død	10. desember 1932 (94 år) Oslo
Yrke	kunstmålar
Språk	norsk
Amaldus Nielsen på Commons

Morgen ved Ny-Hellesund, 1885

Nielsen var fødd og voks opp i Mandal i Vest-Agder, og måla allereie som ung fleire motiv frå Sørlandet. Han studerte ved kunstakademiet i København frå 1854 til 1856, og studerte to gonger under Hans Gude, først ved kunstakademiet i Düsseldorf frå 1857–1858, og ti år seinare i Karlsruhe. Nielsen er rekna som ein sørlandsmålar, men han hadde òg motiv frå mellom anna Hardanger, Sogn og Hvaler, og i tillegg ein del frå Majorstua, der han lenge budde.

Måleri og teikningsamlinga hans frå 1856 til 1932 blei i 1933 donert til Oslo by av familien til Nielsen. Samlinga inneheldt nesten 300 måleri og 100 teikningar.

Bakgrunnsstoff

Wikimedia Commons har multimedia som gjeld: Amaldus Nielsen