Anders Moe Rognhaug
Anders Moe Rognhaug (fødd 18. mars 1906 i Polmak i Finnmark, død 22. februar 1994) var ein norsk illustratør og forfattar. Frå 1922 budde han i Beitstad i Nord-Trøndelag. Han var fødd Anders Moe, men sidan staden han budde vart kalla Rognhaug, tok han etter kvart det namnet og. Han er truleg den personen som har stått for flest bidrag til norske julehefte. Der har han skrive over 500 dikt og forteljingar. Mange av desse illustrerte han sjølv. Han teikna og framsider til mange julehefte. Han var særleg iherdig bidragsytar til lokale hefte. Han skreiv og flittig i avisene. Ander Moe underteikna ofte det han skreiv med «amo». Etter han tok namnet Rognhaug, vart signaturen «amor».
| Anders Moe Rognhaug | |
| Statsborgarskap | Noreg |
| Fødd | 18. mars 1906 |
| Død |
22. februar 1994 (87 år) |
| Yrke | skribent |
Ander Moe-Rognhaug skreiv og fleire bøker, utan at han har vorte særleg kjend for det.
Bøker
endre- Skipshelleren - forteljing (1943)
- Snorre Snøgg og Svegutane (1952)
- Sommardagar i Sandvika (1976)
- I lag med "Lettvinten" (1977)
- Gullkorn i sanden (1978)
- Nye dagar kjem austanfrå (1979)
- Kvennanatt (1980)
- I fjellmannens fotefar (1980)
Kjelder
endre- Tom Brenne:Norske julehefter. De litterære juleheftene fra 1880 til i dag. Messel Forlag 2009
- Steinkjerleksikonet: Anders Moe-Rognhaug